Pope Francis in UAE President thihnak par a riahsiat thu ca kuat (May 18, 2022)

Pope Francis in UAE President thihnak par a riahsiat thu ca kuat

(May 18, 2022)

          Arab Emirates ram president a rak thih ruangah a riahsia rero mi ram mipi pawl thawn a um tlang ih thla a cam sak thu Pope Francis in President thar hnenah a rak sim. Abu Dhabi Sovereign le Arab Emirates ram president a si mi Sheik Khalifa bin Zayed Al Nahyan a thih ruangah a riahsiat thu Pope Francis in ca a rak kuat.

          Ca sungah Pope ih a ngan mi cu His Highness Sheik Khalifa thihnak thu ka theih ruangah ka riahsiat thu, sunnak hrangah riahsia rero mi Emarates mipi pawl thawn khal a um tlang ih rampi parah kum reipi langhngan in rian rak tuan tu president parah riantuan tu president khal a lawm thu a tarlang. Pope Francis in a ngan bet mi cu ‘a hleice in President ih Rome Diocese le Emirates ram ih um Catholic pawlkom parah a zaangfah ih hleice tak ih a upat thu a rak langter ruangah khal a lungawi ih a thi  zo mi a rualpi cun tureltlang in sannak hawlnak a duh zet ih a dang lam mi biaknak le nunphung pawl a theihfiang ih thuanthu sungtel Abu Dhabi capi a rak than thei ruangah rualrem mi thinlung hrang pek mi Zayed laksawng ah a rak tel thei.

          Upat tlak zet mi Pathian kumkhua colhnak zaangfahnak ah sunloihnak a ngah ih Pope dinhmun in khal mipi hrangah remdaihnak le lungrualnak kilkhawi thei dingah tha ten zuam zet in tha rak suah tu a rualpi hrangah thla a cam sak rero ding thu a tarlang. Hi thuthang cu Vatican thuthang ih kan ngah mi a si.