Pope Francis in Ukarine ram remdaihnak hrangah thlacam phah in “zaangfah ten ralbuainak tuah nawn hlah uh’’tiah zaangfah dil (January 26, 20220)

Pope Francis in Ukarine ram remdaihnak hrangah thlacam phah in “zaangfah ten ralbuainak tuah nawn hlah uh’’tiah zaangfah dil

(January 26, 20220

          Pope Francis in Catholic Pawlpi ih Christian pawl lungrualnak um dingah thlacamnak cu Zarh ih hmaisabik ah Ukarine ram ih remdaihnak hrangah thlacam sak ni ah a nemhnget ih thuneihnak hmangin ralbuainak a tuah tu pawl zaangfah ten ralbuainak cawl thlang uh. Ram sungah unau thinlung tampin nei dingah, thuanthu hriam hma pawl damtersal in tihphannak le thuneihnak pawl pahsuak thei dingah January 26 ah zaangfah a rak dil.

          Leitlun ralpi veihnihnak a can lai ah ukarine ah minung taan 5 luan an nunnak a rak cem kha hngilh lo dingah, cu pawl cu raw lei ding um lo nak, minung bang lo ih hrem nak, thehnak a rak tuar tu pawl an si. Besia zet ih tuar mi a tam tuk zo. Remdai ten um caan ngah ter a tul. Tui ni ah aw ring deuh ih tuah mi thlacamnak cu thuneitu pawlkom pawl in thei hram hai seh. Tongaw in thureltlangnak in mi zapi ih thatnak thupit in ralbuainak tuah lo dingah a forhfial. Ukarine mipi pawl dinhmun in Europe nisuahnak lamah Russia ramih dik lo ih ramnawrnak ah an thin a phang.

          Vatican ih ram tinkim pehtlaihnak lam ih tuanvo neitu Archbishop Paul Gallagher in cui Ukarine ram hrangah thlacam ni ih caanserh cu Rome khuapi ih um Santa Maria in Transtevere ah zaanlam nazi 5:30 pm ah a hoha ding.

          Cu vekin Catholic nunphung lam pawlkom pi pakhat a si mi Sant’ Egidio pawlkom khal in Ukarine ramih khuapi a si mi Kyiv ah thla an cam ding. Pope Francis in Ukarine ram ih remdaihnak hrang ziangkim ti thei tu Pathian hnenih thlacam sak dingah, cu lawngah ram thawn pehpar mi hnatuan pawl thoknak thawngin unau pawl kan bawm thei dingih neta thuhla a phunphun ah bun aw in thentheknak kom a theih sal ding thu, mai si duh mi lawng sunsak in tuah a si theu ih midang pawl ih thatnak siatsuah ternak tuah lo ding a tul thu, kan zaten Pathian ih fa kan si ih unau kan si thu January 23 ah nasa zet in a rak sim.

          Europe Catholic Bishop pawl khal in Ukarine ram thawn an dinpi thu le Christian pawl khal remdaihnak hrangah thlacam sak dingah, cu lawngah thuneitu pawl in an thei dingih remdaihnak a um dingih midang pawl hnenah a cang rero mi tui hmuhton rero mi harsatnak pawl zamrang ten hlawhtling ten tuah thei ding thu a rak sim.

          Cu vekin Ukarine Catholic Diocese ih hotu Archbishop Sviatoslav Shevchuk le Poland Catholic Bishop pawl pawlkom hotu Archbishop Stanislaw Gadecki pawl  khal in tih a nun thu, tesinfa tampi ih rak din mi Europe continent ih remdaihnak le lungrualnak lam thansonak siatsuah ih a can thu a rak sim.

          Ukarine ram ah mipum taan 44 an um ih Moldova, Romania, Hungary, Slovakia, Poland, Belarus, Russia pawl thawn an nai aw te. Russia le Ukarine ralbuainak cu a liam zo mi 2014 ah a rak thok. Cui ralbuainak cu Ukarine ram ih nisuahnak lam hmui an tin. Cui ralbuainak ah khal minung 14,000 an nunnak an rak liam ih taan 1.3 cu miharsa ah an rak cang. Cui ralbuainak a can rero nak pawlkom pahnih in July thla, 2020 ah remdaihnak la dingah an lungkim tlang.

          Asinan, Russia in ralkap 100,000 hrawng Ukarine ramri ah a rak thlah. Cui thuhla thawn pehpar in tui American President in tui thla ni 19 ih a rak sim mi cu Russia President dinhmun in an do tla a si thei ti a si. American Pyidawngsu dinhmun in tui thla ni 21 ah Ukarine khuapi ih um American Ambassador ih hna tuantu pawl an khuapi ihsin suak sal dingah a sim zo. Ukarine le Poland Bishop pawl tidaan pawl thawn fiang ter dingah a forhfial.

          Hi thuthang cu CNA thuthang ih kan ngah mi a si.

https://bit.ly/33UyUWd