Pope Francis in Ukraine ih harsat tuar nauhak pawl hrang thlacam sak.

Pope Francis in Ukraine ih harsat tuar nauhak pawl hrang thlacam sak.

          Tui zarhpi ni ah Christmas a kim thlang ding vekin, Pope Francis in him ten le nuam zet in naute Jesuh suah a hmang thei lo tu ding Ukraine nauhak tampi a ko. Nauhak pawl thawn tonawknak cu zarhpi ni ah Vatican ih “Santa Marta” Pedatric Dispensary ah an rak tuah ih, cutivekin an nulepa, hnatuan bawm tu pawl le mi hmuahhmuah hnen ah Ukraine remdaihnak hrang thlacam dingah zangfah a dil.

          “Ukraine ih nauhak pawl kan hngilh lo a tul” tiin asim ih, “nauhak tampi cu ralbuainak le thudik thuhman lo nak an tuar tiin a sim. Ukraine Aalan ih thu hla Paul VI hall ah a sim ih, mipi pawl ih ken mi ah peace tiin ngan mi a um.

          “Pathian in Christmas lungawi in kan zaten remdai ten hman thei nak in pek asile, harsat tur pawl ruat sak in an mah hrang thla kan cam tlang pei”.

Ukraine ih harsat tuar pawl hrang thlacam nak

          St. Peter tual ih Angelus thlacamnak ah Pope Francis in Ukraine ram hrang a tui ralbuainak a tuar tu pawl hrang thlacam dingah a dil. “Ukraine ih ralbuainak cawl ter thei tu pawl ih thinlulng run tong dingah Bawinu Maria  hnen zangfah kan dil. Harsat tuar pawl ahleice in nauhak pawl, kum upa le mina pawl kan hngilh lo pei uh. An mah hrang thla kan cam pei.” Himi thuthang cu RVA thuthang ihsin kan don mi a si.

https://bit.ly/3hFbaw1