Pope Francis in US President Joe Biden hnen remdaihnak thu reltlang dingah sawm. (October 22, 2023)

Pope Francis in US President Joe Biden hnen remdaihnak thu reltlang dingah sawm. (October 22, 2023)

Pope Francis in US President Joe Biden hnen Phone thawn a ko ih ruahnak bangaw lo mi a phunphun lakah remdaihnak lamzin zawh thei ding a tul thu a sim.

Zarhpi ni zaanlam ah Pope Francis in American President Joe Biden thawn Phone in an rak biak aw. The Holy See Press Office ih simnak ah an biakawk nak hi minutes 20 hrawng arei tiah an sim.

Pope le President in leitlun ih ruahnak bangaw lo nak dinhmun lakah remdaihnak a keng mi tidan pawl lang ter dingah a tul thu an rak rel.

Zarhpi ni tuandeuh ah Pope Francis in Holy Land ih ralbuainak ah remdaihnak thawn kilhim dingah khal zaangfah a rak dil.

Angelus thlacam nakah" ka thin a nuam lo tuk, ka riahsia tiah thlacam theh ah harsatnak tuartu pawl, kaihtuarih ral phaw ih hman mi pawl, hliam tuar pawl le cu pawl ih sungkhat pawl hrangah thla a rak cam sak.

Gaza ih milai zawnruahnak dinhmun a siat deuhdeuh nak le Anglican Siizung le Orthodox parish ih Bom a buahnak ruangah a riahsiat thu khal thupit in a sim bet.

Milai zawnruahnak thawn pehpar mi bawmnak pawl pehbet in thleng dingah le an umnak ding hmun pawl on sak dingih dilnak pawl ong bet vivo dingah a rak dil bet.

Raldonak, ziang raldonak khal leitlunah a um thlang Ukraine ah miral tha tampi kan sung tin ka ruat tiah Pope in a rak sim. Raldonak cu sunnak a thlen ter ringring ih  minung khat le khat ih lungrualnak khal a siat ter. Unau pawl cawl thlang uh! Cawl thlang uh tiah a rak sim.

Minung 1400 hnakih tam an thihnak October 7 ni ah Hamas ih nasa zet ih a donak ruangah a riahsiat thu khal a rak sim. Hi mi thuthang cu Vatican thuthagih kan ngah m a si.