Pope Francis in a vei (74) nak Italy Catholic Bishop pawl ih thu relkhawm nak caanserh on nak nei. May 24, 2021

Pope Francis in a vei (74) nak Italy Catholic Bishop pawl ih thu relkhawm nak caanserh on nak nei. May 24, 2021

            Italy ram Catholic Bishop pawl ih a phunphun thurelkhawm nak cu tui kum ah a vei 74 na a kim thlang a si. Italy Catholic Bishop pawl pawlkom cu CEI tiin khal a tawi zawng in an ko. Cumi a phunphun thurelkhawm nak cu May thla 24 ihsin 27 tiang Rome khuapi ah tuah ding a si. Pope cu thurelkhawm nak ih a tel tu Bishop pawl hnen nel zet in cibai a buk hnu theih ter a duh mi thu 3 a rak sim. Cumi thu 3 cu (1) Puithiam can nak tlawng thuhla, (2) Kohhran thuthennak zung le (3) Synods thurelkhawm nak thuhla pawl a si. Tuikum ih thuluu cu "Gospel thuthangtha a suak caan ah phuang uh, Synods hmunkhat ten khual tlawnnak thok uh" tiin a si.

            Himi thurelkhawmnak sungah vice president pahnih hril ding a si. Cumi pahnih sungin pakhat cu Italy saklam hrangah le a dang pakhat cu alai fang nak lam hrangah a si. A laifang nak lam tuanvo nei tu cu sumpai lam thu council ih pawlkom khal asivekin Bishop pawl pawlkom ih commision president khal a si. Thusuh awk nak thok hlanah Pope in thurelkhawm nak ih thulu kha ahmaisa ah a rak ruat.

            Synods tuah nak ah a thuai lam ihisn a tlun lam kai nak lam a hleice in cet ding a si thu, cui lam zin cu Diocese pawl ah biaknak lam pawlkom fate pawl dinnak ihsin a thok ih, tlamtling ih hlawhtling dingah cun thinsau ten tuah a tul thu, Kohhran mipi pawl zalen zet in sim dingah le sim thei dingah tik cu pek dingah a tul thu, cutilawngah Kohhran mipi pawl ih fim nak theih ding a si thu  a sim. Pope ih a sim mi Synods lamhmuh nak cu 2015 Florence khuapi ih thurelkhawm nak ih thuhla pawl a si.

            Pope in pehbet in Puithiam tuan ding tlawngta pawl thawn pehpar in cazir caan sungah a tha lomi zirh nak si lo dingah, cutivekin an pom nak khal ah ralring zet in pom ding ah ralring nak a pek. Italy Catholic Diocese hrangah Synods thurelkhawm nakih thusimmi thawn kaih in Pathian hna kha tuan dingah forhfial nak khal Cardinal Gualtiero Bassetti in thu a sim nak ah a sim. Cardinla cu Italy ram Catholic Bishop pawl pawlkom ih a tui ih an president a si.

            Italy Bishop pawl pawlkom vekin Kawlram Catholic ih daan khal Catholic Bishop pawl pawlkom cu amalbik veihnih thurelkhawm nak an tuah theu. Asinan 2020 ihsin thokin covid nat suan awk nak ruangah an tuah theu mi thurelkhawm nak cu minung tong aw in tuah thei nawn loin online lawngin an tuah. Hitivekih thurelkhawm nak ziangzat an tuah zo timi cu theih asi lo. Kawlram Catholic Bishop pawl pawlkom cu CBCM tiin a tawi zawng in kawh a si.  

https://bit.ly/3frhEuu