Pope Francis in Zarhpi ni Angelus thlacam nak hmun ah "innsungsang" thu a rak sim December 27, 2020

pope_in_innsungsang_thu_thawn_pehparih_sim_mi.jpeg

Pope Francis in Zarhpi ni Angelus thlacam nak hmun ah "innsungsang" thu a rak sim

December 27, 2020

            Cui hmun in Pope Francis in Jesuh, Maria le Joseph pawl ih a thianghlim mi innsungsang thu an ruah laiah dungthluntu pawl thawn pehpar mi forhfial nak "duhdawt nak ih lungawi nak" Amoris Laetitia ih thuhla pawl thuk zet ih zingzoi nak kum ah a rak than. Zarhpi ni ih tuah mi Thianghlim innsungsang puai cu Pathian ih fapa cu nauhak pawl vekin innsungsang ih a tul mi nuam nak timi ruat dingah a rak sawm. Curuangah Jesuh, Maria le Mithianghlim Joseph pawl ih a thianghlim mi innsungsang cu leitlun ih um innsang pawl hrangah cawn tlak mi zoh thim tlak zet mi a si. Innsungsang pawl in lungawi nak lamzin in on sak. Nazareth khuapi ih innsungsang nunram cu lungawi za zet a si.

            Naute Jesuh cu Bawinu ih nui duhdawt nak le Pa Pathian ih nunnem nak cu a hmu ter tu Mithianghlim Joseph ih kilhim nak pawl in a kulh. Hi kum cu innsungsang ih duhdawt nak teette khaan nak kum a si. Pope Francis in kannih khal innsang lungrual nakih man hmu thei sal dingah in sawm. Innsungsang timi cu nelawk nak a suah terih ruahsan nak a on sak tu duhdawt nak ah a din. Pope Francis in Innsungsang pawl ah thlacam nak, duhdawt nak, ngaithiam nak, tangdor nak le Pathian ih duh nak kilhim ih thlun nak pawl ih a thupit thu a rak sim ih cui tidan thawn innsungsang pawl cu Pathian ih pek mi lungnom nak a tep ding thu a rak sim.

            A nuam mi innsungsang cu an mithmai a pan. Cui innsang cu anmai nitin an nunram cu tahthiam nak pawl thawn thlarau thazang cu leilung ih a leng lam, mi dang pawl hnen, unau pawl rian tuan nak lam ah a thar ih a tha sawn mi leilungpi din nakah a bawm tu lamah lamzin on sak dingah ti daan a rak hmu.

A thupi zet mi tongkam pathum

            Innsungsang tinkim ah harsat nak a phunphun a um. Cuvek in kan nih khal sam bau nak kan neih ruangah innsang sung ah an to awk. Ruah nak pakhat ka pek duh mi cu innsungsang ah hauawk nak a um le rem aw ter sal loin ni liam ter hlah uh tiin innsungsang ih ton mi harsat nak mang sal in Pope Francis in a rak sim. Cui hnu ah innsungsang tinkim ah hman tul mi please zangfah ten, thank you lungawi, sorry in ngai thiam aw tiin tongkam pathum a rak cah. Hi tongkam pathum cu innsungsang ih hman asi le innsungsang cu a tha zet mi zoh thim tlak ah a cang ding a si.

            Duhdawt nak ih lungawi nak ruah nak kum ah innsungsang thawn Pathian riantuannak timi thulu ruat sal in hi puai ni cu 2016 ah St.Joseph in puai ni ah dungthlun tu pawl thawn pehpar mi forhfial nak ah a rak suak mi duhdawt nak ih lungnom nak Amoris Laetitia cu thuk zet ih a ret vek in kan innsungsang le innsungsang duhdawtnak ih a tha bik mi zohthimnak tidan cawng tlang dingah a rak forhfial.

            Pope Francis in tuikum a khualtlawnnak cu “Amoris Laetitia Family” ti mi innsungsang duhdawtnak ih lungawinak in Nazareth khuapi ih a thianghlim innsungsang hnenah, a thupibik mi a tlaitluang mi pasal le Pa a si mi Mithianghlim Joseph hnenah app hah in a rak sim.

            Angelus thlacamnak cam theh hnu ah Vatican zungpi in a ra lai ding mi kum, st. Joseph ih puaini (2021, March 19) ni cu innsungsang ih duhdawtnak cu lungawinak ah a ap ding ih 2022, June thla ah Rome khuapi ih tuah ding mi a voihra nak innsungsang pawl tonawk khawmnak ah a cem ding thu a rak nemhnget. Himi thuthang cu Vatican thuthang ihsin kan ngah mi a si.

Photo credit of Vatican new

https://bit.ly/38TVwV5

Add new comment

8 + 2 =