Pope Francis in Zarhpi sun Angelus thlacamnak ah Ecuador ih Linghninnnak ruangih harsat tuar pawl thawn naiten a um thu le a hlan sak thu langter.

Pope Francis in Zarhpi sun Angelus thlacamnak ah Ecuador ih Linghninnnak ruangih harsat tuar pawl thawn naiten a um thu le a hlan sak thu langter.

         Ecuador mipi thawn naiten a um thu le hriamhma tuartu pawl le nunnak cem tu pawl hrangah thla a cam sak thu a sim. March 19 ni nazi 1:12 an mai tikcu caan ih  6.8 magnitude tha a nei mi Ecuador le Peru ah Ling a rak hnin.

       United States Geological Survey ih an simnak vek a sile Ecuador ram, Guayas province, Balao khua pi thlanglam ah  a rak cang. A cannak cu kilometer 65 in a thuk. Peng zawngih kan ti le peng 41(miles) hrawng zum a si. Ecuadorian president  office (zung)in an sim mi an rel sal mi cu CNN thuthang thannak in minung 16 in an nunnak a cem ih 461 hrawng in Linghninnak ruangah hraiamhma an pu tiah a rak sim.

         Ecuador ih thu poimawh (emergency) an thannak ah minung tampi tlakrawh kuai pawl lakah an tang tiah sim. Linghninnak hmun le ram ih um mifarah tampi in an tuar. Peru ram thunei tu pawl ih thu an thannak vek a sile minung pakhat a thi ih Ralkap pawl umnak inn hlun tampi a  min ih cu mi cu Tumbes ah a si tiah sim thannak an nei. Kum 2016 ah Pacific tikap tluan saklam ih a hnin mi Linghninnak ruangah Ecuador ih minung malnak hmunah minung 600 an nunnak a rak cem. Hi mi thuthang cu RVA thuthangih kan don mi a si.

https://bit.ly/3yScFfm