Pope in a harhdam lonak pawl ruangah ka colhnak ding ca a man cia zo tin a sim.

pope_in_a_harhdam_lonak_pawl_ruangah_ka_colh_le_ca_pawl_timtuah_cia_zotiah_sim

Pope in a harhdam lonak pawl ruangah ka colhnak ding ca a man cia zo tin a sim.

           Pope Francis in zarhtin mipi pawl thawn an tonawknak (ANSA/ Vatican News) ah Cardincal Tarcisio Bertone, State secretary 2013 ih a rak tuan laiah Pope Francis cu a harhdamnak lam ih harsatnak pawl ruangah colhnak ca a rak kuat. Pope Francis in the Spanish daily ABC ah kau zet ih thusuhnak pakhat ah Pope Paul VI cun a mai san lai ah hi vek thubohcatnak a rak tuah mi a rak pholang.

          Thusuhnak cu tlawngkai nikhat ni ih tuah ding mi ruah cia nak thawn a rak lang. Pope in newspaper’s editor, Julian Quiros le Vatican ih zingzoitu, Javier Martinez-Brocal pawl thawn an rak tonawk lai ah Pawlpi ih nunram le leitlun thawn pehpar mi thuhla tampi a rak sim. Pope in Ukraine ralbuainak ah leitlun ralbuainak ruangah caan malte sung cem dingah ka hmu lo tiih a simnak ah Puithiam pawl ih tul lo ih hmannak pawl, Roman Curia ah nunau pawl ih tuanvo (cu mi ah kumhnih sung nunau pakhat in Dicastery a hoha ding) ti mi Benedict XVI ih 2013 a colhnak le amah tla a colh thei thu a rak sim.

          Pope in a colhnak ca a ap mi thuhla ah “ka colhnak ca ka ngan theh zo. Tarcisio Bertone in State secretary a rak tuan lai ah a colhnak ca ah lethmat a rak tthu ih ‘harhdam lo nak a um le hi takw ah ziang khal si sehla, ka colhnak ca cu na hnenah a um’ tiin Cardinal Bartone in zo a pek ti a thei lo nan State secretarya tuan lai ah a rak pek dah.

          Hi mi ABC pahnih in Pope hnenah theih a duh le duh lo an rak sut ih Pope in ‘curuangah si ka lo sim’. Pope Paul VI ih harhdamnak thuhla pawl ah khal a colhnak ca thawn Pius XII pawl khal an rak colh thu a rak sim. Cu vekin tla a cang thei. ‘Hi mi ka sim hi hmaisabiknak a si’ tiah Pope in a rak sim bet.Tu ahcun mi pakhat khat cu a feh dingih cu mi ca I pe aw tiin Cardinal Bertone a dil ding tiin hnisuah sai phah in a rak sim. Cardinal Bertone in state secretary thar hnenah a pe ding.

Ukraine ralbuainak        

          Interview ah Pope in vei Zahra luan a rak sim rero mi Ukraine ih cang rero mi ralbuainak a rak sunsak zet. A mah in ‘Ukraine ih cang rero mi pawl cu tih an nung tuk. Rapthlak zet mi tumpi a um. Cu mi cu a nasa tuk’ tiin a rak sim. Pope Francis in ralbuainak cu voi zakhat luan dodal in a rak sim ih ‘ka ti thei tawk in ka tuah zo. Asinan, an ngai lo tiha a sim ih Ukraine ih cang rero mi pawl cu tih an nung tuk. Rapthlak zia pawl cu an nasa tuk. Hi mi hi cat bang loin ka aupi’ tiah Pope in mitin hnenah thungainak ah a tlaitluannak a rak nemhnget. Tu ahcun Volodymir Zelensky in a mai Biaknak lam ruahnak a pek mi pawl sungin veithumnak a thlah zo. Pehtlaihnak kan nei ih minung pawl kan cohlang ih kan bawm’ tiin a rak sim.

          Hi thuthang cu RVA thuthang ih kan ngah mi a si.

Add new comment

12 + 0 =