Pope in a hmaisa deuh Philippine President ih thihnak parah a riahsiatnak lang ter. (August 11, 2022)

Pope in a hmaisa deuh Philippine President ih thihnak parah a riahsiatnak lang ter.

(August 11, 2022)

          Pope Francis in Philippines ramih president a vei 12nak Fidel Valdes Ramos a thihnak ruangah a riahsiat thu a lang ter. Message in president Ferdinand Marcos Jr hnen Pope ih ca a kuatnakah Filipinos pawl hnen a riahsiat thu le an hrangih thla a cam sak thu a sim. President ih ram le miphun hrangih pum a peknak le cin le daan, daihnak, democracy cangsuak dingih a zuamnak pawl cu ziang hmuahhmuah tuah theitu Pathian hnen ah ka ap a si tiah Pope in a rak ngan.

          Pope Francis in a hlan President Ramos ih innsungsang pawl le a thihnak ruangih a riahsiatu zaten pawl hnen thla a cam sak thu khal a sim. Romos cu July 31 ah kum 94 a kim ih August 9 ah Metro Manila ih  (National Heroes cemetery) ram mi pawl sungih miraltha pawl thlanmual ah vui a si. President zungih hna a tuan hlanah, 1988- 1991 tiang miphun humhimtu pawl ih secretary dinhmun in a rak tuan. The Global Leadership Foundation ih simnak vek asile 1988-1991 tiang Ramosih President tuannak hnuaiah a thangso mi sumdawnnak le ramkel lam remdaihnak a um ti ah an sim.

         A  mah in ram mi pawl lakah lungrualnak le remthatnak tha pe in a kilkhawi ih a thupi bik in Muslim in a tlan tu pawl, communist buaibai pawl le dodartu ralkap pawl hnen remdaihnak a rak tuah. Asia-Pacific ram tluan le Philippines ram sungah thansonak le remdaihnak a um thei nak dingah Ramos Peace le development foundation a rak din.  Hi mi thu cu CBCP news ih tar  mi RVA thuthang in kan don mi a si.

https://bit.ly/3BYynkH