Pope hmin in Italy khohsuai pawl mifarah pawl hnen zem nak November 26, 2020

Pope hmin in Italy khohsuai pawl mifarah pawl hnen zem nak

November 26, 2020

          Italy ram ih um volunteer pawl in an hlut mi a si ih Italy thlanglam ih zaangfah lainat nak pawlkom pali ih khohsuai tan hnih luan cu Pope Francis hnenah an hlu dingih cu mi ihsin mifarah pawl hnenah a hlu bet ding a si. Covid ruangah “mifarah thar pawl” timi mi burkhat ah a rak cang. Cu mi pawl cu tu dinhmun ah hnatuan nei lo tu pawl, sumpai khawl mi a cem zo tu pawl le miharsa pawl le pitar, putar pawl kilkhawi tu ding innsungsang pawl an si.

          Cui pawlkom pali pawl cu Italy thlanglam ih um Taranto khuapi ih rak thawh mi a si. Cui khuapi ah a dang khuapi pawl thawn tahthim a si le farah ih hnatuan nei lo tu pawl a tam nak khuapi a si. November 17 ni khal cu cui pawlkom pawl in Taranto Diocese uk tu Bishop hnenah khohsuai cuai thawngkhat a rak hlu ih mifarah pawl hnenah a rak zem thei.

          Cui pawlkom pawl ih thuthannak ah “na kaingkap ih um mi pawl harsatnak an tuar caan ah ding men in zoh men ding cu a cang thei lo, na mit pawl sing ih ziang hman a poi lo tiin sim ding cu a cang thei lo,” tiah ngan in a ruah nak a rak sim. Hi thuthang cu Aleteia thuthang ih kan ngah mi a si.

https://bit.ly/37m4WrK