Pope in Holy Week (thianghlim zarh) sungah remdaihnak hrang lungrual in thlacam dingah sawm.

pope_in_thianghlim_zarhkar_sung_lungrual_in_thla_kam_cam_pei_tia_sawm

Pope in Holy Week (thianghlim zarh) sungah remdaihnak hrang lungrual in thlacam dingah sawm.

          Pope Francis cu Palm Sunday caanserh ah Rome in le leitlun killi ih a ratu khawmzawh pawl cibai a buk ih Ukraine ram von mang in remdiahnak hrang lungrual ten thlacam dingah a cah. Himi hrangih thlacam tu pawl hnen lungawi thu a sim.

          St.Peter tual ih Palm Sunday caanserh a cem nak ih Angelus thlacamnak a hoha hlan ah lam hla lam nai ihsin a ra tu pawl zaten cibai a buk. “Himi ih a tel tu nan zate le nan thlacamnak ruangah ka lungawi” Pope in minung covo hrang Italy in Ukraine ih a feh tu pawl hnen ah an him nak ding hrang thluasuah a pe. Pope John XXIII pawlkom, FOCSIV, Pro Civitate Christinna, Pax Christi le adang pawlkom pawl hrang khal thla a cam. Raltha ih an zuamnak in Ukraine mi pawl hrang Italy mi pawl ih an naih nak a lang ter. “Olive hnge cu Jesuh Khrih ih remdiahnak ngah nak hrang an hlan”

          “Kan thlacamnak thawn kan lungrual cio pei, himi Holy Week (thianghlim zarh) sung ah nasa zetin kan zuam pei” Holy Week (thianghlim zarh)a thok vekin thianghlim ten um dingah, Pathian ih in zirh vekin ral tha ten um dingah cumicu Bawi Jesuh thawn ralthat nak le duhdawt nak ti duh san a si. A fapa Jesuh naiten a thlun ringring tu kan Bawinu Mary hnen in zir dingah a sawm.

          “Atui caan ih harsat, hmuhsuam tuar pawl thosal caan (Easter) ah thaten feh thei dingah kan Bawinu in Bawi Jesuh naih dingah in bawm hram seh” tiin a sim. Himi thuthang cu Vatican thuthang ihsin kan don mi a si.

https://bit.ly/3K6HMsB

Add new comment

7 + 9 =