Pope ih caanserh tinkim ah tawlrel in a hoha ringring tu Puithiam cu hmaikar zarhpi ni ah Pope Francis in Bishop dinhmunah khaisannak nei ding October 16, 2021

Pope ih caanserh tinkim ah tawlrel in a hoha ringring tu Puithiam cu hmaikar zarhpi ni ah Pope Francis in Bishop dinhmunah khaisannak nei ding

October 16, 2021

            Pope Francis ih Missa raithawinak caanserh pawl ah hmuh ringring asi mi Papa ih Missa raithawinak caanserh zaten tawlrel in a hoha tu Fr. Guido Marini cu a ralai dingmi zarhpi ni St. Peter Basilica biakinn sungah Rome tikcucaan zinglam 9 ah Papa Francis in Bishop ah khaisan nak a nei ding. Cuini cu Bishop pawl thluasuah pek ni asiih a kiang nai bikih um Puithiam khal Bishop sinak thluasuah pe in cibai a buk ding.

            Bishop thar tiin a ra dingmi Fr. Guido Marini cu Pope Francis in Italy saklam Tortona ih Bishop tiin a hril. Fr. Guido Marini cu Papa Francis Pope tiin hril a si hlan thurelkhawmnakah tel in atui Pope hnatuan nakah a thupi mi hmun in a tel ih pum pe tu a si.

            Atu ahcun Papa kiangin a hnatuan a cawl dingih Papa in zumnak thawn a hlan mi Bishop Tuukhal dinhmunah pehbet in hna a tuan ding. Pope Francis cu cui ni ah Chile ih Puithiam asimi Andres Ferrada Moreira khal Bishop tiin a khaisang ding. Amah cu Puithiam pawl thawn pehpar mi Pope zung ih secretary a si. Himi thuthang cu Rome Reports thuthang ihsin kan don mi a si.

https://bit.ly/3AR7zyu