Pope ih capi thawn pehpar aw in a alh thei mi datsi, zinan pawl mal deuh in hmang dingah ni tha hman a si tiin sim. July 3, 2021

Pope ih capi thawn pehpar aw in a alh thei mi datsi, zinan pawl mal deuh in hmang dingah ni tha hman a si tiin sim.

July 3, 2021

               Pope Francis cu Nu Pawlpi ih a sangbik Pathian hna a tuan thok kum ah "Laudato Si" tiih hmin pekmi capi pakhat a rak suah. Cui capi cu "kiangkap" thawn pehpar mi capi a si. Cumi capi ah carbondioxide dat pawl ruangih kiangkap thingkung pawl na ter in, leilungpi hlum nak demdeuh dingah tuah daan pawl lamhmuh in a forhfial.

            Pope ih forhfial mi a lak si lo dingah Brooklyn le Queens ih Catholic zangfah lainat nak hnatuan Karuna hnatuan pawlkom ih tuanvo nei tu Fr.Patrick Keating in sum pai a nei lemlo mi innsang pawl hrangah electric tha mal deuh in hmang thei dingah program pakhat a rak thok. Fr.Patrick Keating cu Bisop DiMarzio, Mr. Tim McManus, hnatuannei tu pawl aiawh tu pawl le Burdish mi pawlkom pawl Pope thawn an tong aw ih capi kha tuah suak thei tengteng nak lam pawl an rak rel khawm.

            Cui program cu energy kha ni ihsin ngah nak a si. Cutivekin ngah dingah mai inn luanglu pawl ah solar phek pawl ret nak a si. Tuah thok ding mi 4 cu New York khuapi ah a um ih, a harsa zet mi hmun a si. A tui tumtah nak cu kum upa pawl hrangah le sumpai malte vial a ngah tu innsang pawl hrangah ahleice in tuah a si. Thilri a hnget ih, kiangkap kilhim nak hrang khalah bomnak a pe thei tu ding a si.

            Himi tumtah nak ih tuanvo nei tu Tim McManus khal in ahmaisabik tuah nak a si ding ruangah mi tampi in zum dingah hlawhtling ding a si. Cuti lawngah leilungpi hrangah hitivek ih tuahnak cu hlawhtling nak hmu thei in, thei thei ding a si. A tui tuah daan cu tuah bet thei asile hmailam ah datsi, zinan tivek ih tuah mi carbon ruangih tikcu thleng nak, leilungpi sat nak pawl a zia thei dingih rei a daih ding tiin a sim. Himi thuthang cu Rome Reports thuthang ihsin kan don mi a si.

Photo courtesy of National Catholic Reporter

https://bit.ly/3xiawr1