Pope ih Christmas cibai buk nak thlacam nak le laksawng pawl cu naute siizung ah an hlu December 23, 2020

Pope ih Christmas cibai buk nak thlacam nak le laksawng pawl cu naute siizung ah an hlu

December 23, 2020

            "Thlacam nak cu virus hrik hnakin a cak" tiin Cardinal Pietro Parolin in Bombino Gesu naute siizung ih mina pawl le siizung hnatuan pawl hnen tha pe in a sim. A hman ahcun himi tongkam cu a tong mi siloin siizung ih a um mi mi na pakhat hnen ihsin zuk suai in a ngan mi pehpar in a simmi a si. Himi siizung cu Vatican thawn a hla tuk lo. Cardinla cu siizung uktu Mariella Enoc in hmuak in, siizung hnatuan pawl covid karhzai lo nak hminsin mi tiang lawng an tong.

            "Minung mah rori nai ten cibai awk a theih lonan, fimthiam nak ih bom nak thawn a tu vekin ton awk a ngah ruang khalah Pathian hnen a lung a awi thu, asinan suan awk thei nat ruangah tong aw ih hmuh awk a theih lo ruangah thin nuam lo za a si thu, nan zaten lungawi ten ka lo cibai thu, nan mah pawlih pek awk nak, ral that nak, famkim zet ih fim nak, hmuh fiang nak, mi hmuh lo ih nan tuah mi hnatuan zaten ruangah ka lung a awi thu, suan awk nat a karh rero lai khalah rang zet le hmual nei zet ih nan tuan nak pawl ruangah ka lung a awi thu, siizung cu taksa lam lawng siloin thlarau lam thawn khal a pehpar aw. Ziangruangahtile nau hak pawl ih nunnak a hringhro rero tu covid le a dang nat sia pawl vek thil tha lo pawl do rero a si. Cardinal cu siizung ih zung a phunphun ih aiawh tu pawl thawn an tong aw ih, lom nak thu sim in tha a pek. Himi thuthang cu Vatican thuthang ihsin kan don mi a si.

https://bit.ly/3mLBhxH