Pope ih February thlahrang thlacam tumtahnak cu mi dam lo pawl umnak inn ih um tu minaa pawl hrangah a si.( January 30, 2023)

Pope ih February thlahrang thlacam tumtahnak cu mi dam lo pawl umnak inn ih um tu minaa pawl hrangah a si.( January 30, 2023)

          Pope Francis in Feb, 2024 hrang a thlacam tumtahnak a rak suah ih mi dam lo pawl le an sungkua pawl hrang thlacam sak dingah mitin hnenah a rak sawm.

          Pope’s Worldwide Prayer Network thawngin Catholic Pawlpi hnenih zuam duhnak nei ter tu tui thla ih Pope Video sungah hi tumtahnak hrangih thlacam dingah Pope in Pawlpi hnenah a rak sawm.

          Tui thla hrangih video cu leitlunhuap mi dam lo pawl ni, Feb 11, Lourdes Bawinu hngilh lo nak liturgy ni Pawlpi in tui thla sungih a ruah caan a si.

          Pope Francis in a simfiang mi cu “mi hrekkhat in dam lo nak thu an rel tikah, damter theih lo mi le a dam thei lo mi” tiin cafang pahnih an cawkrawi theu. Asinan, an bang aw lo.

          Pope St. John Paul II ih sim mi sirhsan in “a cang thei le dam ter uhla tuamhlawm uh,” tiin a rak sim.

          Pope Francis in dam ter dingah caantha mal te lawng a um hman ah “mi dam lo tu tinkim in siivai tuamhlawmnak, thinlung lam, thlarau lam le minung ih bomnak ngah theinak an nei” tiah fiang zet in a rak sim fiang.

          “Dam ternak hi a cang thei ringring mi a si lo, asinan, mi dam lo pawl, an mah tuamhlawmnak thawn kan sunsak thei,” tiah a rak sim.

          Damternak ih thupit zia ruat phah in, Pope Francis cun cui sunsaknak in mina pawl siizung tuamhlawmnak lawng si loin minung pawl ih bomnak le naihniamnak khal a si,” tiah a rak nemhnget.

          Cu vek thotho in, innsang thuhla rel tikah, hi natnak a tuar rero tu cu hi harsat caan pawl ah  a mah lawng um ter a ngah lo” tiah a rak sim.

          Innsungsang thuhla cu a fiang zet; sungkhat pawl in hmuihmel lam, thlarau lam le nunphung lam bomnak pawl pe dingin a tawkmawi mi tidaan pawl ngah ding a tul tiah a rak pholang.

          Pope Francis in a dam lo pawl le an sungkua pawl ih tul sam mi siivai lam le minung pawl ih kilkhawinak le bomnak cat lo in an ngah thei nak dingin mitin hnenah thlacamnak le hlan awknak dil phah in a thusim a rak cem ter.

          Pope Video cu Pope ih thlatin a thlacam tumtah mi pawl leitlunhuap ih thawhnak pakhat a si. Cu mi in dungthluntu thlacamnak (Pope’s Worldwide Prayer Network) a tuah. 2016 ihsin, Pope Video cu Vatican ih social network pawl zate ah 203 million tiang zohtu a rak nei ih ram zaten 114 ah, tong 23 in tongleh mi khal a si.

          Video pawl cu Andrea Sarubbi ih hohanak thawn the Pope Video Prayer Network team ih tuah mi le tarlang mi a si ih thatnak thuhla tampi hrangah La Machi Communication in a darh. Hi project cu Vatican media in Pope Video pawl tam sinsin dingah a sponsor mi a si.

          Hi thuthang cu Vatican News ih kan ngah mi a si.