Pope ih a hngilh theilo mi Christmas tikcu caan le kan hmailam hrang thlacam sak nak. (December 24, 2021)

Pope ih a hngilh theilo mi Christmas tikcu caan le kan hmailam hrang thlacam sak nak.

December 24, 2021

            Pope ih a nauhak laiah December 25 ni a thlen tinten Argentina ram ih a ummi a pilepu pawl inn ah Christmas tuahnak an rak nei theu. Veikhat ah Popein a pi cu a kut ih tuahmi Cappelletti hmuk 400 a rak tuah ruangah innsang zaten an mangbang thu, Pope ih innsang, a pute ih innsang le sungkhat unau pawl ih innsang pawl khal an ra tiin a sim.

          A tu caan ah Pope in Christmas cu mangbangza pakhat asi ringring tiin a sim. Mahlemah timtuahnak thawn Pathian thawn tongaw ding ah timtuah nak thawn kanmah minung pawl hnen leng dingah a ra tu Pathian asi ruangah mangbangza pakhat a si.

          Pope ih a timi cu mi pawl ih duhmi Silent Night le Italy hla asimi Tuscendi dale Stelle cu Pathian ih fapa Bawi Khrih a suahnak ruangah leitlun minung pawl hrangah remdaihnak, ruahsannakle lungawinak a lang ter tu hla asi tiin a sim.

Farah zonzai le a naa mi nauhak pawl ngaihsak nak

          Christmas caan ah Pope cu siizungah tuamhlawm rero mi nauhak pawl hrang ahleice in a mang sak. Pehbetin Pope in a sim mi cu tong thawn langter theih lomi farah zonzainak ton caan ah zumnak lawng kan kai hnget ding. A harhdammi nauhak pawl ih nulepa hnen Pope ih a sim mi cu nannih pawl cu ziang tluk in nan van a that thu mang dingah le mai fa le pawl hrangah tikcu pe dingah a sawm.

          Pope Francis in siizung ih a um mi siibawi pawl, siilam hnatuan pawl, harhdamnak lam kilkhawi tu pawl zaten ih a sunglawi mi nitin hnatuan pawl ruangah lungawi ding hngilh lo dingah a rak sim. Kawl kil thiam hnen ih cauk pawl ihsin ngah mi zir ding pawl tubaite ih kum 85 a kimmi Pope in thusuh nak pawl a san nak cu suahni tuahnak cu innsang lungawi puai a si thu a sim.

          Pope a nauhak laiah inn kiang nauhak pawl thawn bawling an lek nak ah kawlkil tiin a lek nak cu a duh zet. Ziangruangahtile kawlkil pakhat cu khuitawk hmun khal ih a ra dingmi tihnung mi pawl ziang tin leh rul ding timi ralring cia in a um ding. Kawlkil tu sinak cu nunram ih zir dingmi a tumbik mi nunram zir ding a pe tu hmun a si.

          Cuihleiah Pope in asimmi cu cauk pawl siar nak cu cauk thawn thurel tlangnak a si-ih, hivek cu tv le phone pawl ihsin ngah a theih lo thu a sim. A liam zomi vonman nak cu von ngai in tha nau ding a silo. Nauhak lai caan vonmang aw tiin Pope hnen thurelkhawm nak ih suh tikah Pope ih a san nak cu veikhat veihnih ah kum 16 caan man in Argentina miphun pawl ih tuah daan phun puai ah mi hmai ih a hmaisabik bawngbi sau thawn thuamawk mi zuk cu a pi thawn an bang aw thu Maria in a ruahnak a rak sim.

          Pope Francis ih a pi Rosa cu tongmal asinan ziangtinkim a theih sak tu a si thu, a pi le pu thawn an um tlang caan pawl a von ngai nan riahsiat nak tiin a ruah lo thu a sim. Pope in a sim bet mi cu amai thuhla pawl ruangah mahlemah a hlan caan ah a caam lo. Ziangruangahtile hmailam lawng zoh thiam nak daan tha cu a nu hnen ihsin a ngah thu a sim.

          Pope in a ngai mi pawl sungah a ngaibik mi pawl cu a suahpi unau 3 an si. Ziangruangahtile a suah pi unau 3 kha remdai nak in a von man ruangah a si. Zing nazi 4 ihsin thokin ni nikhat a liam zo mi thal caaan ah siizung ih khuai ih tuamhlawm asi hnu a harhdamnak thawn pehpar in thusuh tikah Pope in tampi khual a tlawn thei ih Pathian ih a duh asile 2022 ah a dang tuanvo tampi khal tuan dingah timtuah nak a um thu a sim.

          A nitin hnatuannak pawl simnakah zing nazi 4 tin in a tho ih thlacamnak thawn a thok hnu tuah dingmi tuanvo pawl a phunphun tong dingmi mipawl thawn nikhat sung a hmang. Sun rawl a ei hnu ah malte a cawl theu. Kan hmailam cu ziangvek si nak khal siseh lungrual nak parah a bun aw.

Pulhnat sia ih buaibai nak pawl thawn bangawk lo nak ruangah hriamhma a ngah tu pawl ih hmailam a ruat  tu Pope thawn thusuh awk nak

          A cem nak ah Pope ih asim mi cu kanmah  pawl hmunkhat ten kan din maw, din lo ti mi parah a bun aw ding. Ziangruangahtile hi leipar ih a um rero mi minung pawl pakhat le pakhat unau taktak vekin pehtlaih awk lawngah minung pawl kan run thei ding. Himi cu thazang mal pawl, nat ol pawl, kilhim tu neilo nak hmun ih a um tu pawl, duh awk nak le ziang rel lo nak ih fa pawl, Pope ihsin thokin Kohhran pi zaten, a hleice in a lian mi ram ih a um tu mi pakhat ciar tinkim tel in ram khel lam le nunphung lam le nunphung lam tuanvo nei tu pawl, ram tinkim pawlkom pawl in an hngilh lo tengteng a tul. An hngilh ding asilo.

Himi Christmas ah thla ka cam mi cu kumkhua Pathian cu hi leiparah terhsian nak le hmunkhat ten tuar duh nak thinlung pawl tleu ter hram seh. A cemnak ah a ruahsan nak a simmi cu hi Christmas ah nat a tuar tu pawl ih thinlung pawl ah lungawi nak um dingah le kan thinlung ong in bom a tul hleice pawl bom duhnak thinlung nei uh. Himi thu cu Vatican thuthang ihsin kan don mi a si.

https://bit.ly/3FKbsZo