Pope ih sim mi

Naute Jesuih innte hmuh nak khaan 100 cu St. Peter tualrawn ah an ret

December 20, 2020

          Kan dung Zarhpi ni Angelus thlacam lai ah Pope Francis in covid ruangah Christmas tikcu caan ah mai innsungsang pawl thawn tong aw dingah a thleng thei lo mi innsungsang pawl thawn tong aw dingah a thleng thei lo mi tipi thuanthum ih hnatuantu pawl hrangah thla a rak cam sak.

          Leitlunhuap ah tipithuanthum ih hnatuantu 400,000 hrawng inn ah tlung thei lo in tipithuanthum ah an tan. Mi hrek cu an hnatuan caan than ding a luan zo thu, tipithuanthum ih a tang tu hnatuantu pawl ih himnak le harsatnak karlak ih hnemnak ngah ter dingah tipithuanthum Bawinu hnenah a dil sak ding.

Cu vek in pehtlaih nak a um mi ram pawl khal mai ram mipi pawl a si mi tidai thawn hnatuan rero tu pawl zamrang ten run suak dingah an duhdawt zet mi innsungsang pawl thawn zamrang ten tong aw sal thei nak dingah a forhfial ding.

Kohhranpi pawl khal in Christmas hrangah thlarau lam timtuah nak pawl tuah cio dingah, thlarau lam hrangih timtuahnak ah mai kiangkap ih a um tu pawl khat le khat ngaih sak awk nak, Naute Jesuh ih suah nak cu a ruat thei.

          Farah harsatnak a tong rero mi kan unau pakhat khat cu kan theih ah siseh, theih lo ah siseh, kan kiang nai te ah siseh, khui tawk hmun ih an um ah siseh kan zate ih nat nak le harsatnak a si.

          Ziangahtile a mah cu cawlrawl kuang sungah dai zet in a it tu Bawi a si.

Bawi Jesuh ih harsat tuar nak a si. Cui dinhmun ah Naute ih suah  nak cu ruat in thinkhat lungkhat ten va bawm a tul.

Naute Jesuih innte hmuh nak khaan 100 an hmuhnak

          Pope Francis khal in Rome khuapi ah khawm a zawh tu kohhranpi pawl hnenah Naute Jesuih innte hmuh nak khaan 100 an hmuh thu va zoh cio dingah a rak forhfial. Hi mi pawl cu St. Peter tualrawn thotho ah an ret ih cu mi va zoh nak in an hmuh mi kutthiam pawl thawn Bawi Jesuh in kan dung kum 2020 luan ah ziang ti vek in a suak ih a thianhlim thu nan thei thei ding.

          Hi Naute Jesuih innte hmuh nak pawl cu mai zumnak a hngetkhoh ter tu Pathian ih tongkam thleer khat a si. Hi Naute’i inn 100 cu zingtin nazi 10 in zaan nazi 8 tiang an ong ih December 13 ni in January 10, 2021 tiang an ong ding a si.Cui ni cu “Bawi Jesuh Baptism a lak nak Ni” a si ih Christmas tikcu a cem Ni khal a si.

          Hi thuthang cu Vatican thuthang ih kan ngah mi a si.

https://bit.ly/3hlS8pM