Pope in India, Allahabad ih Bishop thar tuanvo pek.(June 18, 2023)

Pope in India, Allahabad ih Bishop thar tuanvo pek.(June 18, 2023)

          Pope Francis in Fr. Louis Mascarenhas (64) cu June 17, the Indian state of Uttar Pradesh ah Allahabad ih Bishop dinhmun in tuanvo a rak pek. Tu ahcun, a mah cu Allahabad Diocese hotu a si. A mah cu September 29, 1959 ah southern Indian state of Karnataka, tu ah cun Udupi Diocese tiih kawh mi, a hlan ahcun Mangalore Diocese tiih an rak kawh mi Karnataka, Kelmbet ah a rak suak.

          Fimthiamnak a zir theh hnu ah, a Puithiam nunram cu 1978-1981 tiang Lucknow ih St. Paul’s Minor Seminary ah a rak tuan.1981-1984 tiang, Allahabad ih St. Joseph’s Regional Seminary ah philosophy a rak zir. Cu theh in 1984-1985 tiang a mai hruaikainak sungah, a umnak ih tong pawl a rak zir.

          1985-1989 tiang St. Joseph’s Regional Seminary ah theology a rak zir bet. April 04, 1989 ah Allahabad Diocese hrangah Puithiam cannak a rak ngah. Puithiam sahriak culhnak a ngah hnu, 1989-1992 tiang, Chaken, Kanpur ih St. Joseph the Worker’s Church ah Assistant Parish Priest a rak tuan.

          1992-1995 tiang, Akbarpur, St. Peter’s Church ih Assistant Parish Priest dinhmun in le Jaffarganj, the Visiting Station ih hotu a rak tuan. 1997-2005 tiang “Jan Hit Sadan” ah the Diocesan Development and Welfare Society ih director a rak tuan. 2005-2014 tiang, Allahabad, St. Joseph’s College ih hruaitu a rak tuan. 2014-2020 tiang, St. Peter’s Church ih parish priest le St. Peter tlawng hotu a rak tuan. 2020 ihsin, Prayagraj, Nazareth Hospital ih director cu Bishop in a rak hril ih 2021 ihsin, Allahabad ih Diocesan administrator a rak tuan.

          Hi thuthang cu RVA thuthang ih kan ngah mi a si.