Pope in Isreal le Palestine remdaihnak hrangah thla a camsak ih Ralbuainak cu sunnak pakhat a si tiah sim.(October 8, 2023)

Pope in Isreal le Palestine remdaihnak hrangah thla a camsak ih Ralbuainak cu sunnak pakhat a si tiah sim.(October 8, 2023)

Doawknak le ralthuam pawl cawlter uh tiah Pope in Zarhpi sun ah a rak sim ih Ralbuainak le donakawknak cu zianghman thuhman a suah ter thei lo in mawhnak neilo mipi pawl tampi sunnak le harsatnak lawng a suah thei tiah thei uh tin a rak sim.

 Ralbuainak cu sunnak a si, raldo tinten sunnak a si tiah nasa tak in a rak sim. Zarhpi sun Angelus thlacam thehah Pope in zalenglo in an nunnak a cemih hliamtuar khal an um thu, Israel ram ih thuthang kan don mi a si tiah a sim.

A thi tu pawl ih sungkhat pawl a ngaihsak thu a sim ih an mah pawl thawn nazi tampi sung thinphangnak thawn a tongtu zate hrangah thla a camsak thu a rak sim. Israel le Palestine remdaihnak hrangah Pope in mitin thlacam sak dingah a rak sawm.

Palestine Hamas ralthotu (ruahnak luan) pawl in Israel  kha nasa tukin  zalenglo rocket bom thawn Israel ram sungah ralthuam pawl thawn zarhte ni ah holyLand ah ruah lo pi in donak a rak thleng.

Isreal in vanzam thawn a lehrul sal lohli ih ramsungah ral an buai thu Prime Minister in a rak than.

Namhnget hrih lo mi thuthangih an simnak vek a sile  Isreal thlanglam  le Gaza strip ah Palestine mi 400 luan an thi ih Dazon lenglo an kaih thu theih a si. Isreal rammi 300 hrawng thah an tuar ih Dozen lenglo in kaih an tuar thu Isreal thuthang hrek khat sungah an tarlang. Hi mi thuthang cu Vatican news in a tawi zawngih kan ngan mi a si.