Pope in leitlun huap le Haiti ah remdaihnak a um theinak dingah thlacamsak (March 10, 2024)

Pope in leitlun huap le Haiti ah remdaihnak a um theinak dingah thlacamsak (March 10, 2024)

Pope Francis in democratic republic of Congo, Ukraine le Holy Land mangsal in buainak a roh deuh nak ruangah harsatnak a tuar rero tu Haiti mipi pawl hrangah thla a cam sak. Ramadan a thoknak a si vekin kan unau muslim pawl thawn naiten a um thu khal lang sar in a sim. Zarhpi ni Angelus thlacamnak ah Pope in kan dung naite ih a cang mi Caribbean ram hnaihnok nak thin phan za le riahsiat za pawl thawn Haiti mipi pawl hnen khal ah a riahsiatnak a lang ter. Pope in cui hmun ih a um tu Christian pawl le kum tampi harsat a tuartu Haiti mipi pawl zaten thawn naite ih a um pi thu khal a lang ter. Ralbuainak zaten cem thei dingah Our Lady of Perpetual ih bawmnak kan ngah theinak dingah mi kip hnenah thlacam sak dingah a rak dil. Ram tin ih pawlkom pawl a thar ih bomnak in ramsungah remdaihnak le rualremawk nak hram a toh thei nak dingah sumpai in bawm cio dingah khal a rak forhfial. Pope in cu mi zanlam ah kan unau Muslim pawl cu Ramadan a thoknak hngilh lonak an tuah ni a si ih rawl ul thlacamnak, a hlu peknak le an biak peknak an tuah mi ah an mah thawn naiten a um thu khal a lang ter. Pope in a cemnak ah democratic republic of Congo ram ih a ra tu Rome ih um Catholic mi pawl ih sungtel pawl cibai a rak buk. Do a tuar rero tu Ukraine le Holy Land pawl mangsal in thla a rak cam sak.