Pope in leitlunhuap ih Cardinal thar 21 than (May 29, 2022)

Pope in leitlunhuap ih Cardinal thar 21 than

(May 29, 2022)

         Pope Francis in August 27, Zarhte ni ih tuah dingmi Cardinal hril dingih tonkhawmnak a simi Consistory ah Cardinal thar 21 tuanvo a pek ding thu cu May 29, Zarhpi sun Regina Caeli thlacam theh zawng ah a than.  

Cule, cuih Cardinal thar 21 pawl thawn August 29-30 tiang ni hnih sung tongaw khawm in Pope Francis in March 19, 2022 ah Praedicate evangelium timi hmin thawn zungthar a rak dinmi thawn pehpar in ruat khawm tlang ding an si thu le Pope dinhmun ih a hnatuannak ah bawmtu tha an si theinak dingih thlacam sak ding thu khal a sim bet.

         A tu ah, leitlun huap in Cardinal mipum 208 an um ih cumi sungin 117 cu hrilawknak ih tel thei tu an si ih, a dang 91 cu hrilawknak ah a tel theilo tu pawl an si. August 27 ihsin Cardinal mipum 229 an si thlang dingih cumi sungin 131 cu hrilawknak ah a tel thei tu ding an si.

         Cardinal thar 21 ih hmin pawl cu a thuailam vekin an si:

1. Archbishop Arthur Roche – England
2. Archbishop Lazzaro You Heung sik – South Korea
3. Archbishop Fernando Vergez Alzaga, L.C - Spain
4. Archbishop Jean-Marc Aveline – France  
5. Bishop Peter Okpaleke – Nigeria  
6. Archbishop Leonardo Ulrich Steiner, O.F.M – Brazil
7. Archbishop Filipe Neri Antonio di Rosario Ferrao  – India
8. Bishop Robert Walter McElroy – U.S.A
9. Archbishop Virgilio Do Carmo Da Silva, S.D.B – East Timor
10. Bishop Oscar Cantoni – Italy
11. Archbishop Filipe Neri Antonio di Rosario Ferrao  – India
12. Archbishop Anthony Poola – India
13. Bishop Paulo Cezer Costa - Brazil
14. Bishop Richard Kuuia Baawobr – Ghana
15. Archbishop William Goh Seng Chye – Singapore
16. Archbishop Adalberto Martinez Flores – Paraguay
17. Archbishop Giorgio Marengo, I.M.C – Mongolia
18. Archbishop Jorge Enrique Jimenez Carbajal – Colombia
19. Bishop Lucas Van Looy, S.D.B – Belgium
20. Archbishop Arrigo Miglio – Italy
21. Fr. Gianfranco Ghirlanda, S.J – Italy
22. Msgr. Fortunato Frezza – Italy

Cardinal cu Pope bawmtu, lole, a palai pakhat a si. Cardinal pawl cu Kawhhranpi sungah dinhmun dangdang in pehtlaihnak hnatuan tuantu an si. Curuangah Cardinal timi tongfang khal cu Latin tongfang “Cardo” ihsin a ra mi a si. “Cardo” timi cu thilpehnak tii’n sullam a nei. Catholic Kawhhranpi sungah Cardinal Bishop, Cardinal Siangbawi le Cardinal Deacon tii’n Cardinal phun (3) an um.

    Cardinal tuanvo pek hnuhnu cun nunsung (thih tiang) tuan ding tinak a si. Mipi ih kan theih tlangpi mi cu Cardinal Bishop pawl an si. Cardinal pawl cu Consistory timi Pope ih kawhmi tonkhawmnak ah hril an si theu. Cardinal pawl cu Rome ih ummi Pope ih zung sungah siseh leitlun hmun tinkim khal ah Pope thawn pehtlaihnak hnatuan tuantu an si. Cule Kawhhranpi sungah a tul tik caan ah Pope dinhmun ih hrilawknak khal ah an tel thei a si. Hi thuthang cu Vatican thuthang ih kan ngah mi a si.

https://bit.ly/3MUnrqN