Pope in Linghninnak a tuartu Morocco ram hrangah lungrual ten thlacamsak dingah sawm.( September 9, 2023)

Pope in Linghninnak a tuartu Morocco ram hrangah lungrual ten thlacamsak dingah sawm. (September 9, 2023)

Pope in Morocco a laifannak lam ih thacak zet mi Linghninnak an tuar ruangah a riahsiat thu le thla a camsak thu sim.

Africa saklam ih Linghninnak ruangah Pope in Moroco mipi pawl thawn a um thu khal a lang ter.

Tlawngkai ninga zan ah Marrakesh khuapi kiangah tha 6.8 a nei mi Ling a hninnak ruangah mining 800 luan in an nunnak an liam.

Zarhte mi ih an kuat mi ca cah Cardinal Pietro Paraline in lethmat a tthut mi ca ah Pope Francis in harsatnak a tongtu pawl le an innsang pawl thawn Linghninnak a tuartu pawl harsatnak an tuar theinak dingah thla ka lo cam sak a si tiah a sim.

Pope in Linghninnak ruangih nunnak liamtu pawl ih thlarau pawl hrang le liamtuartu zate pawl damnak an ngah thei ngak ding hrang, an duhdawt zet mi le inn le Lo sungtu pawl hrang hnemnak ngah dingah thla a rak cam sak.

Pope Francis in thu neitu pawl le volunteer pawl hnatuannak ah bawm cio dingah a rak forhfial.

A cakkuat a cemnak ah Pope in hnemnak hminsinnak ah a tuartu zate parah Pathian ih thlasuah ngah dingah a rak dil sak. Hi mi thuthang cu Vatican thuthangih kan don mi a si.