Pope in mino pawl hnenah tumtahnak tumpi nei dingah, nunphung sunsaknak nei dingah le unau sinak ih champion si dingah forhfial

Pope Francis in Bahrain: Meeting with the Youth (Photo credits: Salt and Light Media)

Pope in mino pawl hnenah tumtahnak tumpi nei dingah, nunphung sunsaknak nei dingah le unau sinak ih champion si dingah forhfial

Zarhte ni, Bahrain ram, Awali ih um Sacred Heart School ah Pope Francis in mino pawl hnenah ‘tumtahnak tumpi nei dingah ralthatnak ziang tik hman ah hlo ter loin nunram famkim ih khuasak dingah a rak forhfial. Nunphun sunsaknak nei in karh ter uh. Unau thinlung ah champion cang uh. Pathian ih rin um zet mi sersiamnak le ruahnak tha pawl ih lamhruainak thawn nunram ih hniksaknak pawl pehsuak uh.

 Pope in ‘nunphung sunsaknak nei dingah’ mino pawl a rak sawm ih ‘sunsaknak ti mi in thinlung um tu daan a khaisan sak tiah a rak simfiang ih midang pawl le an hloptlonak pawl hrangah a rak hruaikai.

Hi sunsaknak nunphung cu santhar leilungpi hrangah ‘thlengawknak’ lole ‘damnak sii’ ah a cang thei tiah Pope in a rak sim.

Kan mah in sunsaknak nunphung kan kaih hnget a si le unau ih thlaici kan karh ter ding’ tiah Pope in a rak sim bet.

Pope Francis in midang kilkhawi dingah an thinlung ngai sak in Pathian thawn biak aw ton in an nunram ih nomnak pawl, lungsiatnak pawl hlawmnak thawngin mah le mah sunsak a tul tiah Pope Francis in mipi pawl a rak sim.

Pope Francis in mino pawl hnenah ‘unau ih champion si dingah zuam cio dingin a rak forhfial ih hmailam caan tha ten tungding dingcun unau sinak karhter ding zuam a tul. Cu lawngah leilungpi ih hmailam caan khal a himdam ding’ tiah a rak sim.

Pope in midang pawl hnenih Pathian hmuh ol deuh ding mi a hleice in Pathian thawn pehtlaihnak din dingah a rak forhfial.

“Nunram ah thubohcatnak thawn pehapr mi hniksaknak pawl cohlang uh” tiah a rak forhfial. Pathian cu kan mah thawn a um ringring ruangah “tihphannak um loin hmainor uh! Asinan, mah pakhat lawng feh hlah uh” tiah Pope in mino pawl hnenah a sim.

Pope Francis in mino pawl hnenah ‘dai ten thlacam in a mah thawn thureltlangnak ihsin Pathian ih aw thleidang dingah le Internet on hlan ah ruahnak tha pe theitu pawl hawl dingah mino pawl a rak forhfial.

“Kan mah pakhat cio in kan nun zalam tluan ah fehpitu kan tul” tiah Pope in a rak sim.

 Pope Francis in mino pawl hnenah “kan lo tul! Na sersiamnak, na tumtahnak pawl le na thapeknak, na sinak le na mithmai pannak pawl, na lungnomnak pawl le ziang vek dinhmun tinkim ah na thlenpi thei mi thil pawl, kan ziaza le kan hmuhdaan pawl in thleng ter tu ding pawl kan tul” tiah a rak sim.

“Pawlpi cu nanmah thawn a um ih nan mah pakhat cio a lo tul ringring. Kan mah in tharthawh sal dingah siseh, lamzin thar hawl in tong thar dangdang thawn zirnak nei sinsin dingah siseh, mithmai pan teih khualtha thei dingah Pawlpi in nan mah a lo tul” tiah fiang ten a rak sim.

           Hi thuthang cu RVA thuthang ihsi'n kan ngah mi a si.  

https://bit.ly/3hROU1T

Add new comment

2 + 2 =