Pope in Myanmar, Peru le Ukraine ih tuahmawhnak pawl nasa zet in a dodal.

pope_in_biakinn_donak_ruangah_a_dem_natsat_thu_sim

Pope in Myanmar, Peru le Ukraine ih tuahmawhnak pawl nasa zet in a dodal.

            Pope Francis in Myanmar ram, Burma titla ih kawh mi, Catholic biakinnn siatsuah nak ruangah nasa zet in zangfah a rak dil. Zarhpi ni St.Peter tual ih khawmzawh tu pawl thawn ton awk nakih Angelus thla cam nak ah Myanmar ram ih riahsiat za thil cang mi ruangah a riahsiat nak a lang ter ih ahleice ih biakkhawmnak hmun an donak pawl vun mang in, an ram ih kum rei bik le a thupi bik mi biakkhawmnak pakhat asimi Chan Thar ih Our Lady of the Assumption Catholic Biakinn siatsuah le ur tuarnak ruangah a riahsiat nak a lang ter. 

         Pope in rammi pawl kiang nai te ih a um thu a sim ih, khua pi tampi ih harsat tuar pawl le khat le khat do awk nak pawl reilo te ah cawl in ngaithiam nak, duhdawtnak le remdaihnak thawn caan thar ngah dingah thla  a cam sak. St.Peter tualrawn ih a ra tu pawl hmuahhmuah hnen ah Myanmar hrang Hail Mary thlacamnak ah tel dingin a sawm.

Myanmar ih tuahmawh nak

          Tu nai te ih Kawlram ralkap pawl ih siatsuah mi biakinn le a dang tuahmawh nak pawl cu Yangon ih Cardinal Charles Maung Bo le adang Myanmar ih biaknak nak lam ho tu pawl in nasa zet in remdaih nak hrang zangfah an dil ih kan zate in remdainak hrang tuan vo kan nei. 

2021 lai ih ralkap pawl in democracy hril awk nak cozah an dokalh nak ihsin nisuahnak thlang lam ih Asia ram pawl ah ramkhel, nunhung le pumcawmnak lam ah harsat nak pawl le tuahmawhnak pawl an tuar. Thawng tampi mipi pawl cu thuhla zianghman um lo in kaih nak le that nak an tuar. 

Peru, Ukraine le Cameroon hrang zangfah dil nak

          Pope in Ukraine le Peru ih tuahmawhnak pawl ruangah zangfah dil phah in remdaihnak lam pan vivo dingah a ruahsan thu a sim. Pope Francis in Peru ih remawk lo nak dinhmun pawl ah khat le khat thureltlangnak tuah in le buainak pawl remdaihnak thawn felfai ter dingah a sim. Pope in Peru Bishop pawl ih sim mi "khuitawk hman ah tuahmawh nak cangter lo dingah, minung nunnak lak lo dingih" an simmi pawl a sim bet.  Peru ram ah Nisuahnak America ih khuapi Lima ah duhphorh nak pawl a tam vivo ih Andean ram lam ah dodal tu an tam vivo vekin President tlak ter nak le hril awk nak tuah sal nak pawl an ko rero. Pope Francis in Latin America ram hrang thlacam dingah zangfah a dil. 

           Pope in Ukrainen ih ramdaihnak ruangah thin nazet in zangfah a dil ih Ukraine mi harsat tuar pawl von mang in, kum khat sung rori ralbuainak a cang. Pathian in thin daihnak pe in bawm dingah thla a cam sak. Netabik ah Pope in Cameroon pawl hrangah, Anglophone hmun ih khat le khat remawk lo nak pawl cu a tha mi thansonak pawl keng dingah a ruahsan. Pope in pehtlaih nak a nei tu hmuahhmuah hnen ah ramdaihnak hawl in tuah taktak dingah le khat le khat thei thiam aw in thurel khawm nak tuah  nak lawng in hmailam din a theih ding tiin a sim. Cameroon ah rampi ih cozah le an ram ah mirang tong hmang in mah te cangvai pawl in an ram ah hnatuan dingih luh nak ding pawl ah khat le khat an lung a rual lo nak ruangah mi 6000 lai an nunnak an liam zo. Himi thuthang cu RVA thuthang ihsin kan don mi a si.  

https://bit.ly/4099mNk

Add new comment

8 + 6 =