Pope in Nashville tlawng dotuarnak ih harsat tuar pawl hrang a riahsiat nak ca kuat March 29, 2023

Pope in Nashville tlawng dotuarnak ih harsat tuar pawl hrang a riahsiat nak ca kuat

March 29, 2023

          Pope Francis in Nashville Bishop hnenah telegram in a kuat ih himi tlawng do tuar nak ih nunnak cem nak ruang ah a riahsiatnak a lang ter. US ih tlawng do a tuar nakah mi 6 an nunnak an liam ih  mi pathum cu kum kua mi an si. Pope in a riahsiatnak cu Nashville Bishop Joseph Mark Spalding hnenah telegram in a kuat.

          Telegram ah, lethmat cu Pope Francis aiawh in Secretary Cardinal Pietro Parolin in a tthu ih Pope in Nashville ih Convenant tlang do tuar nak ruang ziangtluk in a thin a nat thu a ngan. Pope in Nashville Bishop hnen ah himi tuahmawhnak ih harsat tuar pawl hmuahhmuah hrang a thlacamnak le a riahsiatnak ca a ngan. "Nauhak le upa nunnak cem tu pawl ruangah ka riah a sia ih Bawi Jesuh tang ah cawl hram haiseh" tiin a ngan.

          Netabikah Pope Francis in "hnemnak le ralthatnak cu Thiang thlarau thawn an innsang parah um in le an natnak pawl thihnak ihsin thosal mi Pathian ih thawm huham co hram haiseh tiin thla ka cam" tiin a cah.Tlawngkai nikhat ah kum 28 nunau pakhat cu USA, Tennessee, Nashville ih convenant tlang ah a lut ih meisa ur in mi 6 a that. Palic pawl ih an simnak vekin cumi sungah tlawngta kum 9 mi 3 an tel ih Evelyn Dieckhaus, William Kinney le Halliey Scruggs ansiih, Hallei Scruggs cu kohhran hotu pastor Chad Scruggs ih fanu a si.

          A dang thah tuar pawl cu kum 61 a simi aiawh saya Cynthia Peak, kum 60 asimi tlawng uktu Katherine Koonce le kum 61 asimi mikil tu Mike Hill pawl an si. Kum 28 mi cu zoh hliah asiih cozah in meithal pasarih thawn a nule pa thawn an um nak an inn ah an kai ih a nule pa cun an fanu himi thil a nei lo ding ding tiin an sim.

          Tuahmawh tu cu Palic pawl ih an hawl lai ah meisa thawn amah le mah kilhim a tumnak ah a thi. Hi vek donak cu 2023 sung ah America ah tlawng le university ah vei 19 do tuar nak a um ih a mal bik mi pakhat cun hliam an ngah. Himi thuthang cu Vatican thuthang ihsin kan don mi a si.

https://bit.ly/3ZAJhoY