Pope in Nicaragua ih Thawngthlak tuar mi Bishop Alvares hrang thlacam sak.

Pope in Nicaragua ih Thawngthlak tuar mi Bishop Alvares hrang thlacam sak.

           Pope Francis in Nicaragua  Bishop Rolando Alvaz Thawngthlaknak le dodal tu pawl dawinak a dem  ih ramkhel hotu pawl thu dik le thu hman ruangih thinlung takin sim in tongaw in rel tlangnak ih tel dingah zaangfah a rak dil. Pope in Nicaragua ih ramkhel hruaitu pawl hnenah remdaihnak hrangah thinlung tak thawn hawl in tongaw dingah zarhpi ni ah zangfah a rak dil.

            Nicaragua Bishop cu kum 26 Thawngtla dingah an rak ti mi a si. Leitlun ih Bishop pawl, Nicaragua pawlpi pawl hnen thudik lo ih hremnak parah a rak dem. Amah azukhan nak thu khal a suak zo. Amai azukhannak cu Matagalpa Bishop Rolando Alvarez thawngthlaknak le ramkhel phuahhlam hawl in kaih a tuartu minung 222 an rak dawinak pawl thu tla a rak thang. Cu mipawl sungah a cozah thawn an kopaw tin puhmawh a tuartu Puithiam pawl le thurel thlangnak ah mi tampi an tel.

            Nicaragua ih thuthang ruangah a riahsiat thu a langter ih a duhdawt zet mi Bishop Alberele le kum  26 thawngthlak mi Bishop parah a thin a phan thu a rak sim. Pope in America ih dawituar tu pawl le Nicaragua ih harsat tuar pawl zate hrangah thla a camsak thu khal a rak sim.

            Athianghlim mi Bawinu Maria ih thlacam saknak le Pathian hnenah in dil sak dingin zumtu pawl hnenah a rak sawm. Thudik, thuhman, zalennak le duhdawtnak ih a suak  mi Remdaihnak hawl tlang dingah ramkhel hotu pawl le ram mipi ih thinlung ong in thinsau ten rel tlang in tuahsuak hram uh.

            Cuihnu ah zumtu pawl thawn AveMaria thlacamnak an rak cam tlang.

https://bit.ly/3XwmZDs