Pope in nitlaknak lamram pawl hnenah a thokih nan mai neih mi man ah kir sal uh tiah sim.

Pope in nitlaknak lamram pawl hnenah a thokih nan mai neih mi man ah kir sal uh tiah sim.

Pope Francis in nithlaknak lam ram pawl hnenah nan mai man kelah kirsal dingah forhfial phah in Portuguese ramih an hmuahnak caanserhah a rak sim.

          Cuihmuahnak caanserh cu Belem cultural centre ah an rak tuah. Hi mi caanserh ah Portugal ramih President khal a rak tel. Nitlaknak ram kan ti tikah Europe ram pawl ti duh mi a siih an mai man ti duh mi cu Khrih ih thuthangtha kha a sawhkhih duh mi a si ruangah cumi man ih a duhsan mi remdaihnak tuahnakah tamdeuh in tuah dingah le tuahmawhawknak neh dingah a si.

          Pope in Europe cu remdaihnak hmun a si a tul. Mino pawl hrangah hmailam caan hrang dinsaknak hmun si hram seh. Mino pawl ih nunram cu a ngaingai lomi tuahnak , tidaan pawl pehin zom vivo lo dingah a tul tiah a rak sim.

          Pope ih hi ti vekih a simnak cu kan dung lamah Portuguse a Cozah in damsal thei lo ding mi kum reipi minaa pawl, reipi ziang thei lo ih a umtu mi naa pawl parah an mai duhnak in siseh, Siibawi pawl le sungkhat pawl ih thu in natnak zamrang ten hlo dingah siidawt ih thi thei mi (Enthunasia) daan a suah ruangah a si. Cui daan cu nitlaknak ram pawl ih an mai man in an pial ti a ti duh mi a si.

          Lisbon dinhmun in minung a phunphun, background a phunphun a nei mi tonawknak khuapi pakhat a si. Leitlun huap mino pawl puai tuahnak in an mairam mi hrang lawng silo in leitlun ram pawl ih zoh mi ram pakhat ah a cang. Ziangruangah tile ram tinkim ih mino pawl tampi an tonkhawmnak hmun asi ruangah a si tiah a rak cah. https://www.youtube.com/watch?v=qI7wJiqoPbI