Pope in Pathian cu nitin kan ton mi pawl ah a um tin sim.

pope_advent_zarhkhatnak_ih_sim_mi

Pope in Pathian cu nitin kan ton mi pawl ah a um tin sim.

 

         Advent zarhkhatnak zarhpi ni ah Pope in nitin kan nunnak ah a fate a si hmanah Pathian kan hnenah a um ti mi vun theih salnak cu a tha zet  mi a si tiah sim. Nov 27 ni ih Angelus thlacamnak ih Pope ih thu a simnak ah hi  mi thu cu kan thinlung sungah mangsal uh si. Pathian cu kan nunram ah a thup ten a um ih kan nunram ah tlaitluang bik le a menmen din hmun in a um tiah a rak sim.  Pathian cu a hleice mi hmuhtonnak ah ra lo in nitin hmuh ton mi parah a ra tiah a sim bet.

          Nitin kan hnatuannak hmunah tonawknak, a tul tu pawl ih mithmaiah kan mah pawl cu meisa khu le harsatnak kan ton ni pawl hman ah kan tongih cuihmun khal ah kan tuahnak pawl ah in thangharh a si tiah a sim. Pope cu St. Peter Tualrawn ih hmuh theinak ding hmun tukverh te in Christmas ih Bawipa a ratnak ding hrangah timtuahnak tikcu a ra thlen caan thu a sim ih Cuihnu ah Pathian cu ziangtin kan cohlang ih kan hmuak thei ding ti mi ruahnakah ret in ruat dingah a sim.

         Kan mah pawl cu thangharhnak , ralrinnak nei dingah a thupi tiah a sim bet. Pope in “I lantu kumkhua ih Bawipa cu ka tih” tiah st. Augustine ih sim mi sungin a simih hi mi cu amah in I lanhlo ta ding ka tih ih a mah ka mang lo pang ding tiah Pope in a sim fiang bet. Cui sunih siar mi st.Mattew  thuthangtha sungih Jesuh ih a dungthluntu pawl a pek mi ralrinpek nak kha a langter. Nova sanlai ih minung pawl cu an in an einak, an nuamnak pawl cu tidai thawn thianfainak ih an thlen lai hlanlo an thei thei lo tiah Jesuh in arak sim.

     Pope in minung pawl cu an mai thilri pawl thawn nuamzet ih an um laiah Tilik ding khal an rak thei lo tiah a sim bet. Hi mi tikcu caan ah kan ihthatnak ihsin thangharh in mah le mah sut aw uh si, ziang mi kan tuah ti teh kan thei maw? Kan ralring maw? Kan thangharh maw? Nitin kan dinhmun ah Pathian a um lam thu thei dingah kan zuam dah maw asilole kan thinlung ruahnak vakvai in kan hnok zet maw? Tuini a ratnak kan thei ngah lo pang a sile ni netabik a ratnak athlen tikah timtuah ding kan nei lo ding. Curuangah ulenau pawl kan zaten ralring ten timtuah cia uh si.

https://bit.ly/3GMKS5b

Add new comment

4 + 0 =