Pope in Philippines ih Typhoon Rai ih siatsuahnak a tuar tu mi harsa pawl hrang bawmnak dil. December 19, 2021

Pope in Philippines ih Typhoon Rai ih siatsuahnak a tuar tu mi harsa pawl hrang bawmnak dil.

December 19, 2021

         Pope Francis in Philippines thlanglam le tikulh a lai lak hrawngah Typhoon ih siatsuahnak ruangah nunnak a liam tu pawl le mi harsa pawl hrang um pi nak le thlacam sak nak a dil.

A nasa zet mi Typhoon ih siatsuahnak a tuartu Philippines ram mipi pawl thawn naite ih a um thu a lang ter, hnemnak le ruahsannak keng tu “Santo Nino” a kawh thu Pope Francis in a rak sim.

         Zarhpi ni, St. Peter tualrawn ih Angelus thlacam theh ah, Pope in tui kum sungah Philippines ih a cang mi thlisia lakah Typhoon Rai cu a tha cak bik mi thlisia a si tiah a ruah daan a rak sim. Tilian ruangah nunnak liam tu, leiminnak le typhoon ruangih thingkung tluk nak ruangah tu ah cun mipum 146 an um ko nan mi tampi an hlo rero lai.

         Pope in ‘Santo Nino in hnemnak le ruahsannak cu harsatnak a tuar tu innsang pawl hnenah kengin kan lak ah bawmnak a tul  hleice mi pawl bawm hram seh’ tiah thla a rak cam sak. Philippines ah milai nunnak, runnak hna a tuan rero tu acozah ih thlisia lam agency in tlawngkai nili le ninga ni pawl ah typhoon thlisia ruangih siatsuahnak a tuar tu ram mipi pawl hrangah ei in pawl zem dingah an zuam rero.

         A nasa zet mi typhoon Rai cu nazi pakhat sungah kilometer 195-270  tiang a rak hrang ruangah kumdang hnak ih tha a tam bik mi dinhmun in pacific tinfinriat le Tuluk thlanglam ih tinfinriat lak ih cang mi thlisia lak ah tha a tam bik mi thlisia a si.

         Tilian ruangah khua pawl siatsuah tuarnak a si lo le leiminna, luanglu pawl a cim ruangah khua 227 ah electric a mit thluh ih 21 lawng an rem sal thei hrih lai tin thuthang kan ngah a si.

         Hi thuthang cu Vatican thuthang ih kan ngah mi a si.

https://bit.ly/3J7R5qX