Pope in ralbuainak tuar rero tu mipi pawl thawn naihniam ten a um ruangah Patriarch Pizzaballa hnen lungawi thu sim.(Feb 07, 2024)

Pope in ralbuainak tuar rero tu mipi pawl thawn naihniam ten a um ruangah Patriarch Pizzaballa hnen lungawi thu sim.(Feb 07, 2024)

          Jerusalem ih Latin Patriarch, Cardinal Pierbattista Pizzaballa thawn phone sungih an biakawknak ah, Pope Francis in Gaza ih um Holy Catholic parish hrang le cu tawk ih beutu Christian zaleng lo pawl hrang a thinnom lo nak a rak langter.

          Pope Francis in Hamas le Israel lakih ralbuainak a rak um thok ihsin, mipi pawl hnenih naihniamnak a langter ruangah Jerusalem ih Latin Patriarch hnenah lungawi thu sim phah in Cardinal Pierbattista Pizzaballa thawn phone an biakawknak ah a rak sim.

          Phone call sungah, Pope in Gaza ih Holy Family Catholic parish hrang a ngaihsaknak a rak langter.

          Pope cu Parish Puithiam, Fr. Gabriel Romanelli le associate pastor, Fr. Youssef Assad thawn cui dinhmun ih nitin tulsam mi thuhla thawn pehpar in pehtlaihnak a nei theu.

          The Institute of the Incarnate Word Puithiam pawl ih rian mi, Holy Family Catholic parish cu Gaza Strip ih Catholic parish pawl lawng an si.

          Gaza thuhla pawl vekin, Parish mipi pawl cu khuasik le khuadai an tuar rero ih rawl, tidai le siivai pawl um lonak parish pi in a tong rero.

          Curuangah, Parish cu tlawng tel in, ralbuainak ah ziang tinkim hloral tu mi zaleng lo pawl hum dingah buainak a tong.

          Tlawngkai nithum zing, Patriarch cu Pope thawn netabik phone ih an biakawknak ah, Parish ih dinhmun thupit in an rak rel tlang.

          “Remdaihnak hrangah thlacam tlang uhsi,” tiah Pope in a rak sim. “Ralbuainak cu a sung ringring, cat bang loin. Remdaihnak hrangah thla kan cam tlang pei. Remdaihnak kan tul,” tiah a rak sim bet.

          Hi thuthang cu Vatican News ih kan don mi a si.