Pope in raldonak hriamhrei pawl daiten um haiseh, Gaza tluanih dinhmun cu thinphanza a si thu sim.

Pope in raldonak hriamhrei pawl daiten um haiseh, Gaza tluanih dinhmun cu thinphanza a si thu sim.

Holy Land remdaihnak hrangah Pope ih zaangfah nakah Gaza ih um mi milai zawnruahnak dinhmun hrangah a thin a phan thu a langter ih Gaza ih milai zawnruahnak dinhmun thawn pehpar in Hriamkaibu zaten le Christian pawl zaten remdaihnak ding hrangah October 27 ni ah rawlul in thlacam dingah zaangfah a rak dil. Nunnak cemtu an tam sinsin ih Gaza dinhmun cu lungphan za a si. Hi mi ttong thawn pehpar in Pope in Palestine le Israel pawl hnenah milai zawnruahnak thawn harsatnak hrial in a cang thei tawkin hrial dingah zaangfah a rak dil. Leilung pi in Raldonak hmun tampi a hmu zo tiah a rak sim. Raldonak in buainak a rem ter thei lo ih thihnak le siatsuahnak a tamter, huatawknak a can ter, raldonak in hmailam caan a siatsuah, a siatsuah tiah a rak simbet. Hi thawn pehpar in Pope Francis in remdaihnak hrangah thlacamnak, rawl ulhnak nei dingah mitin in a sawm a si. October 27 ni Tlawngkai ninga ni ah Christian tinkim, a dang biaknak pawl le remdaihnak hrangih lungrual mi zaten tel tlang cio dingah a forhfial. St.Peter tualrawn ah zanlam nazi 6 in nazi pakhat hrawng thlacamnak tuah a si dingih leitlun remdaihnak hrang tumtah ih cam a si ding. Pathian ih minung pawl an tel vekin tuahnak komaw in a dang biaknak pawl zaten ka lo sawm tian a netnak ah a rak sim.