Pope in a riantuannak hrang Cardinal Ladaria hnenah lungawithu sim phah in zumnak lam ih Doctrine hrangah Dicastery ah feh (September 05, 2023)

Pope in a riantuannak hrang Cardinal Ladaria hnenah lungawithu sim phah in zumnak lam ih Doctrine hrangah Dicastery ah feh

          Pope Francis in zumnak lam Dicastery ih Doctrine hrangah Vatican ih Dicastery ah rin lo pin a rak feh ih Prefect dinhmun in kum reipi a tuan mi pawl hrangah Cardinal Luis Francisco Ladaria hnenah lungawithu a rak sim.

          Pope Francis cu Mongolia ram ih a Tuukhaal khualtlawnnak ihsin a thlen hnu nazi 24 kim hlan ah Vatican ih Dicastery ah rin lo pin a rak feh.

          Holy See Press Office ih director, Matteo Bruni in tlawngkai nihnihni, zing nazi 9 hrawngah ah Pope Francis cu Vatican ih Dicastery ah a rak feh ih Prefect dinhmun in kum reipi a tuan mi zate hrangah Cardinal Luis Francisco Ladaria hnenah lungawithu a rak sim tiah a rak than.

          Jesuit Cardinal thawn tonawk hnu ah, Pope Francis in Vatican Dicastery sungin hnatuantu pawl cibai a rak buuk.

          2008, July ah Pope Benedict XVII Spanish Jesuit le theologian pakhat Ladaria cu zumnak lam ih Doctrine hrangah a hlan Congregation ih Secretary le Archbishop dinhmun in tuanvo a rak pek.

          Argentina ram, La Plata ih Cardial hrilnak ngah tu Victor Manuel Fernandez cun kum 74 kim zo mi Cardinal Ladaria cu DDF Prefect dinhmun in a sawng ih September thla lai hrangah tuanvo a la thlang ding.

          Pope Francis in Mongolia ih khualipi, Ulaanbaatar ah mipum tam sawn um mi Catholic mipi 1,500 umnak, Asia rampi ih nili sung a Tuukhaal khualtlawnnak cu a rak theh suak zo.

          A khualtlawnnak in Pope ramleng ih a Tuukhaal khualtlawnnak vei (43) nak le Pope dinhmun in rampi a tlawnnak vei (61) nak a langsar ter.

          Pope Francis in tlawngkai nithum zing ah Vatican ah mipi pawl thawn tongaw dingin timtuahnak a nei.

          Hi thuthang cu Vatican News ih kan ngah mi a si.