Pope in Russia le Ukraine ram hrangah tumtah Bawinu thianghlim thinlung hnen ap (15 March, 2022)

Pope in Russia le Ukraine ram hrangah tumtah Bawinu thianghlim thinlung hnen ap

(15 March, 2022)

         Pope Francis in Russia le Ukraine ram Bawinu hnen apnak cu mai sualnak hrang sirawk caan ah March 25, St. Peter Basilica ah a tuah ding. Pope Farncis in Bawinu thianghlim thinlung hnen Russia le Ukraine ram hlannak cu tlawngkai ninga ni, March 25, zaanlam nazi 5:00 pm ah St. Peter tualrawn ah caanserh hmannak nei ding. Pope zungpi ih Director Matteo Bruni in ‘cui ni thotho ah Pope ih kuat mi, Cardinal Konrad Krajewski thawn Fatima ah hlannak an tuah ve ding. Hlannak hrangah Vancung mi Gabriel in Bawinu Maria hnenih thu a thannak puai ni an hril.

Martyr tha nunram

         July 13, 1917, Fatima ah kan Bawinu in ‘a thinlung thianghlim hnenah Russia ram hlannak tuah dingah zaangfah a rak dil. A dil mi vekin an tuah lo a si le Russia ih thilsual a tuah mi cu leilungi ah a karh dingih ralbuainak le Pawlpi hremnak pawl a cang ding’ tiah a rak sim. ‘Mi tha cu thah a tuar ding; Pope in a tuar dingih ram tinkim a siat ding’ tiah a sim bet. Fatima ih langnak theh hnuah Bawinu hnenih apnak a phunphun an tuah. Pope Pius XII in 31 October, 1942 ah leilungpi hrangah a hlan ih July 07, 1952 ah Bawinu thianghlim thinlung hnenah Russia ram mipi hrangah a rak ap. November 21, 1964 ah Pope St. Paul VI in Bawinu thinghlim thinlung hnen Russia ram apnak cu Vatican Council (2) ah a thar in a rak tuah sal.

         Pope St. John Paul II in ‘Act of Entrustment’ (apnak) tiih kawh mi thlacamnak cu June 07, 1981, Pawlpi ih Biakthawinak caan Pentecost ni ah St. Mary Major Basilica ih tuah dingah a rak ngan. June , 2000 ah Pope in Fatima Bawinu’i thuthup thenthumnak a rak sim. Cu lai ah zumnak lam ah doctrine ngahtu hrang congregation ih Secretary Archbishop Tarcisio Bertone in ‘Sr. Lucia in 1989 ih ca a kuat mi sungah hi Pawlpi ih Biakthawinak tuah ni le leitlunhuap pi ih hlannak cu kan Bawinui’ a duh mi: “Kan Bawinui a duh mi vekin tuah a si” tiah March 25, 1984 ah a rak nemhnget” tiah a sim. Hi thuthang cu Vatican thuthang ih kan ngah mi a si.

https://bit.ly/3JfrpIL