Pope in Siangbawi tlawngta (seminarian) pawl hnenah thlacamnak cu Puithiam nunram ih foundation a si tiah sim.

Pope in Siangbawi tlawngkai tu pawl hnenah thlacamnak cu Puithiam nunram ih foundation a si tiah sim.

          Pope Francis in Burcelona Seminary ih seminary tlawngta pawl hnenah Zarhte ni, Vatican ah Puithiam nunram ih thupi zet mi a si vekin thlacamnak nunram ih nung dingah a rak forhfial. Pope in seminary tlawngta pawl hrangah ‘Puithiam ih nan can tikah Pathian ih kawhnak ngah mi duhdawtnak ruangah lungawinak um mi hmaisabik tuanvo a si ti mangsal uh’ tiin thlacamnak nunram ih thupit zia a rak langsar ter.

          Hi mi hi ziang tinkim a um hnu in hmaisabik lungawinak thuthuk a si tiah a rak sim bet. Pope Francis in Zarhte ni, Vatican ah the Seminario Conciliar de Barcelona ih seminary tlawngta pawl le pawlkom sungtel pawl a rak tong. Pope in pawlkom awk lai ah an thlacamnak nunram ah Bawinu Maria in Pathian ih kawhnak a lehsalnak an pah suak thei le thei lo an mah le an mah cek aw fel dingah seminary tlawngta pawl a rak forhfial.

          Curuangah leitlun ih hrilnak hrangah mi harsa pawl kan si vekin Bawi Jesuh vekin Biakinn ih kan awpawknak a si tiah a rak sim bet. Pope in Biakinn ih Bawi Jesuh hmuhnak a thupit tuk vekin netabik lungawinak thuthuk a rak langsar ter. ‘Thlaam ah cat bang lo in hawl dingih kir ringring tu Jesuh’ tiah seminary tlawngta pawl hnenah tha a rak pek. Pope Francis in lungawinak thuthuk pawl cu Thinglamtah parah Bawi Jesuh raithawinak hrangih hlannak le a thawhsal hnu ah Vancungram ih lungawi thu sim bet ding hi a si tiah a rak sim.

          Pa Pathian ih vorhlam kap ih to tu Bawi Jesuh in Vancungram nunnuramnak thu in rak kam zo vekin ruahsannak le lungnomnak in pek. Pathian in hi mangbangza pawl zirh dingah Thiang Thlarau Pathian a thlah ih nikhat khat ah Bawi Jesuih Puithiam pawl ah a tuah hai. Pope in ‘ordination le a tang lai mi caan pawl hrangah na thinlung ah a mah ten burh aw ding mi le burh ding mi duhdawtnak mangsal in tep hlah uh tiah ralrinnak a rak pek.

          Pope Francis in a mai raltha zet mi Pathian thuthangtha phuangtu saya pawl le Vancungram in pek tu meisa mit ter lo dingah le an taksa ruangpum Bawi Jesuh hnenah Bawipai Thi le Sa hlawmawknak thawn Bawinu Maria ih a rak tuah vekin Bawi Jesuih thawhsalnak thawn le Bawinu Maria ih a rak tuah vekin Bawi Jesuih thawhsalnak ih telnak thawn seminary tlawngta pawl tha a rak pek.

          ‘Duhdawt zet mi seminary tlawngta pawl nan Rosary la in Pathian ih kawhnak ngah mi nan mah lo bawm dingah Pathian ih Nu, Bawinu Maria, mi zaangfah thiam mi Bawinu hnenah dil in cohlannak, dungthluntu sinak ih lungnomnak le Thinglamtah parih um mi thleidaan thiamnak pawl cu tidaan um sun an si’ tiah a rak sim.

          Hi thuthang cu RVA thuthang ih kan ngah mi a si.

https://bit.ly/3PlaQ1K