Pope in Siibawi pawl hnenah thanau lo dingah forh.

pope_in_doctor_pawl_hnen_tha_pe

Pope in Siibawi pawl hnenah thanau lo dingah forh.

          Pope Francis in tlawngkai nili ni ah Vatican ah Rome Diocese ih um the Health Pastoral Office ih siivai lam ih ai-awhtu pawl sawhkhih phah in siibawi pawl hnenah thanau lo dingin a rak forhfial. “Natnak a tuar tu pawl kiangih um hi a har zet. Cu mi cu thaten nan thei ko. Curuangah thanau lo dingin ka lo forh,” tiah a rak sim.

          Pope cu Feb 11 ih tuah ding mi vei 31 nak leitlunhuap mi dam lo pawl ni hlan ah mi thiam hleice pawl le mina pawl thawn an rak tongaw ih St. John Paul II in natnak phunphun tuar rero tu, mina pawl hrangih thla cam sak dingah 1992 ih a rak sim dah thu khal a rak sim bet.         

          Pope Francis in, “mi pakhat ih tuar mi cu mi zapi ih tuar mi ah a cang ih mi pakhat ciar ih sumpai bomnak cu thluasuah tiin mi zapi ih cohlan a si,” tiah a rak langsar ter. Tui kum ih leitlunhuap mi dam lo pawl ni ih theme cu “Take care of him” (ngaihsak aw) ti mi St. Luke thuthangtha sungih mitha Samaritan ih tongkam sungih lak mi a si.

          Siibawi pawl hnenah natnak a tuar reo tu unau pawl mithmai zoh in donkhamtu pawl lole theihthiam awk lo nak pawl an neih tinten mitha Samaritan ih tongkam: “Take care of him” timi mangsal dingah ruahnak a rak pek. “Cui mit hmai cu, nang mah lo zoh tu Bawi Jesuh a si. A mah cu kan sambaunak pawl kan hrangih a thihnak ih hlawm dingah rak huam tu le ziang tik hman ih in tansan dah lo tu thosal mi Bawi a si. A harbik caan pawl kan ton hman ah a sung pek lo dingah a mah ah thazaang kan hawl,” tiah Pope in a rak sim.

          “Siivai lam hnatuantu pawl ih tuanvo cu “midang ih natnak ihsin naihniamnakah thleng sak dingah, mah le mah tukforhnak pahsuak thei dingah, Lu tung cio dingah, khuk bil dingah le mai kut thlir cio dingah a si,” tiah a rak sawhkhih.  Pope in  hnatuan pawl ih a tul mi ruahdaan pathum a rak langter. Hmaisabik ah, natnak a tuar rero tu pawl ih kiangah um dingin; pahnihnak ah, a thei hrih lo mi harsatnak tuar rero tu pawl hnenah aw pe thei dingah le pathumnak ah, zaangfah lainatnak ih damnak sii ih cang dingah a si.

          Hmaisabik ziaza ruahnak ah, Pope Francis in natnak tuar rero tu pawl thawn naihniam ten umnak ih thupit zia, an thu ngaisak nak, duhdawtnak le natnak tuar rero mi harsatnak thei in mah le mah cohlang aw thei dingin a rak thangphawk. “Hi vekih feh tlangnak in duhdawtnak ti mi in nunram ih a dik bik mi duhsan kai hnget dingah kan zaten in bawm,” tiah a rak sim.

          Pahnihnak ziaza hrangah Pope in damlonak ah mah te lawng um tu pawl ih theih ban lo mi tuar nakah pe aw thei dingah; sumdawnnak le ziaza lam bomnak um lonak, thinlung thanaunak zumnak hlohnak pawl olten ton a theih ih fibromyalgia natnak le kum reipi natnak tuar tu pawl ah hi vek pawl a cang thei,” tiah a rak sim.

          “Cu vekih tap rero tu pawl hnenah feh in theih tum cio uhsi,” tiah a rak sawm. Ziaza pathumnak ah Pope in “zaangfah lainatnak ih siivai ih cannak,” thu a rak sim ih zaangfah lainatnak ih siivai cang dingah tuantlangnak a ti duhsan khal a si tiah a rak nemhnget.

          Pope Francis in “mitin ih tulsam mi hrangah mi tin in mithmaipannak te hman khi pek a theih, cohlan a theih ruangah lungawi rulhkir salnak ah khat le khat hlawmawknak in a hlawhtling thei ding tiah a rak sim. Pope in zumnak thawn harsatnak tuar rero tu a dam lo mi unau pawl in hi a thupi zet mi caan in kensak tiah tha a rak pek.

          “Siatsuah caan ah Pathian ih thinlung ah nan nai te thlang,” tiah Pope in a rak sim. Pope Francis in “natnak a tuar tu pawl thawn an nel awk hlan te ah le charity apawknak hrangah thanglian cio dingah le natnak ruangih tahnak aw thei nawn lo dingin minaa pawl hrangih thlacam sak dingah zaangfah a rak dil.

          Hi thuthang cu RVA thuthang ih kan ngah mi a si.

https://bit.ly/3lpYuum

Add new comment

3 + 9 =