Pope St. John XXIII ih a rak sim mi aveihnih nak Vatican thurelkhawmnak tuah a si nak thuhla October 11, 2021

Pope St. John XXIII ih a rak sim mi aveihnih nak Vatican thurelkhawmnak tuah a si nak thuhla

October 11, 2021

              Catholic mipi pawl ih theih a si vekin Pope St. John XXIII cu a kum a upat hnu lawngah Kohhran ih a sangbik hnatuan a simi Pope tiin hril a rak si. A kum a upa nan Pathian hnatuannak a hmuh ton mi le dungthluntu hnatuanih a hmuhtonmi pawl a tam ruangah Pope asi tikah aveihnih nak Vatican thurelkhawmnak cu (Oct 11, 1962) ah a rak tuah thok. Himi program a tuahnak san khal a sim fiang.

              Aveihnihnak Vatican thurelkhawmnak tuah asi nak cu "thudik kilhim dingah" a si. Khristian pawl ih a thianghlim mi thudik ro pawl kilhim dingah le duhsan nei zetin sim fiang dingah a si. Khristian pawl ih a thianghlim mi thudik rocu minung, taksa, thlarau zaten a tel mi zirh nak a si. Himi thu cu kan nunram ah kumkhua innpi tiin um lo dingah, vancungram ih inn tlungnak lamzin ah reilote sung umnak mikhual vekin nung dingah a zirh.

              Pope John XXIII cu thurelkhawmnak ih a thupi ih tuah dingmi cu thudik kilhim dingah le a tui leilungpi khal cumi a bang aw mi thudik hmuh dingah a si. A tu ah a tul mi cu cui thu hman kha Khristian zaten pom ter dingah, cutivekin a hrampi thuzirh mi khal hrelh loin bangter nakah famkim ter nakah a cekci mi thinlung thar thawh nak, lungawi nak thar, a hnget mi thinlung nei dingah a tul. Hitivekin a tui thurelkhawmnak hnakin tuan le tuah mi Trent le aveikhatnak Vatican thurelkhawmnak thar ter sal nak a si. A tul mi cu mitinkim a hman mi Khristian, Catholic le dungthluntu pawl ih thinlung pawl thawn tuini ah tuah in nung ding ah a tul. Cutilawngah himi thu hman cu kau zetin theih a si ding. Thuk zetin theih thiam a si ding. Cutivekin minung pawl ih nitin nunram ah himi thudik cu hmual nei zet in a lut thei ding.

              Kum zabi 20 cu fimthiamnak lamah zamrang zet in thangso caan asiih, nundaan khal ah nasa zet in a thleng aw. Pope John XXIII cu himi ruangih thlengawknak a theih cia. Curuangah Pawlpi dinhmun in thudik kilhim phah in tidaan thar thawn cibai buk dingah a tul thu a thei ih thinlung hnget khoh nak nei dingah thar ter sal nak a si. Pope John XXIII ih a cekci ih tuannak cu siat ralnak lam ih hmuh nak siloin mi hrang that nak hmuhnak nei dingah a si. Thuthen in hremnak tuahnak hnakin a fiang fai mi thu a cang ter duh. Kohhran pi cu thilsual pawl pelh loin a do. Tuletu thuhla pawl nasa zetin a tuah. Asinan a tu caan ah Bawi Jesuh ih monu cu zangfah nak sii a tul. Atucaan ah Pawlpi ih zumnak cu a zirh mi fiang zetih sim fiangnak cu zianghman sim fiang loin a sual asile hremnak peknak daan hnakin a tha ding tiin zum a si.

              Aveihnih nak Vatican thurelkhawmnak ih thurelcat mi pawl cu a tu Pawlpi hrang khalah pehbet in hman rero lai a si. Cutivekin Catholic mipi tinkimah thurelkhawmnak ih thurel cat mi pawl siar in, a tu caan ah thudik ro pawl kilhim nak ah a thianghlim mi Thiang Thlarau Pathian bom a si thu thazetin thei thiam dingah a thupi. Himi thuthang cu Aleteia thuthang ihsin kan don mi a si.