Pope in St. Joseph pawlkom sungtel pawl hnenih cakuat: Tui san ih tulsam mi pawl thei in lehrul sal dingah zuam uh (19 March 2022)

Pope in St. Joseph pawlkom sungtel pawl hnenih cakuat: Tui san ih tulsam mi pawl thei in lehrul sal dingah zuam uh

(19 March 2022)

         Pope Francis in Saint Leonard Murialdo in March 19, 1873 ah Turin ah an foundation dinnak kum 150 a kim vekin an tlawng sungtel Josephites of Murialdo ti ih mi theih tam mi pawl hnen, a lungawi pi thu cu Sperior General of the Congregation of St. Joseph hnenah ca a rak kuat.  Pope in an foundation ih thu hrampi ah fehsalnak in Pathian thluasuah an siar rero lai ah an hmailam caan ah zumtu pawl hnenah thazaang thar a pek tiah a rak ngan. Pope in mino pawl fimthiamnak lam zirh daan thar pawl pe dingah Pathian ih thluasuah a pek mi pawl parah thazaang pe dingin thlacam dingah tha a rak pek.

Tikcu caan tharah hnatuan thar a tul

         St. Leonard Murialdo sirhsan in Pope in tikcu caan ih hminsinnak pawl siar dingah an hniksaknak thei dingah le damternak thar pawl hrangah cangvaihnak thar pawl hawl ding tumtahnak thawn St.Joseph ih a keneh thlun dingah a sawm. A san lai ah St. Murialdo in farah harsa mi le hnon a tuar mi mino pawl fimthiamnak peknak thawn Turin ah ziangvek in a rak bawm tiah a rak sim. Asinan, an mah cu fimthiamnak lam le pehtlaihnak tlawng pawl hnen ihsin sinak um mi hmailam caan pek ding tumtahnak thawn caan reipi tumtahnak pakhat a si. Cui Mithianghlim in ‘Pathian ah ruahsan in a zum ih Pathian ih kut ah kan um ih a tha mi kut sungah kan um’ tiah a rak sim theu.

St. Joseph ih thangphawknak

         Ruahban lo mi dinhmun pawl hrangah St. Murialdo ih tuah mi lehrulnak cu St. Joseph ih ‘hlan lai san a man mi fimnak’ ih thangphawknak a rak si thu, Pope in tangdornak le tirhsiannak thawn a rian tuannak ah bawm in Pathian in tangdornak, khawkhannak, le zaangfah lainatnak thawn kan mah pakhat ciar in duhdawt. Pope in leitlunhuap ih um mi Diocese pawl ah hnatuannak, mino pawl bawmnak, innsang umnak inn pawl le Pathian thusimtu saya pawl tuah sak mi tui san Josephites pawl ih hnatuannak khal a rak sunloih.

Thiang Thlarau ih cangvaihnak

         A cemnak ah Pope Francis in an pawlkom dintu ih tuah mi daan ‘san ih tul sam mi pawl kai hnget in le Thiang Thlarau ih cangvaihnak thawn an mah bawmnak’ timi thlun dingah tha a rak pek. Mino pawl in a hlan hnak in zum tlak mi teette pawl an tul ih mah ten kilhim awknak le St. Joseph zohthim dingah Pathian ih tumtahnak tuah nak, mangbangza pawl tuahtu, a nunram cu Pa Pathian ih a sunglawi zet mi Pa nunram ih hminsinnak ah a rak can ter. Hi thuthang cu Vatican thuthang ih kan ngah mi a si.

Photo courtesy of Statue of Saint Joseph  (©Athos - stock.adobe.com)

https://bit.ly/3L9NzfQ