Pope in Sumpai, sinak (thilti theinak) le nuamnak pawl in salah in can ter thei tiah sim.

pope_francis

Pope in Sumpai, sinak (thilti theinak) le nuamnak pawl in salah in can ter thei tiah sim. Pope Francis in sumpai, sinak ( thilti theinak) le nuamcennak pawl ih sal cang dingah, hi mi pawl ih hnaihnoknak le zalennak pawl ah supnak kan nei maw neilo ti mi ruat tlang dingah zarhpi sun ih khawmzawhtu mipi pawl hnenah a rak sim. June 9, ni Angelus thlacam nak ah Pope in kan mah pawl thlawngah in thla ter theitu sualforhnak pawl kha Christ sungah zalennak hmu dingin mipi pawl ruat tlang dingah a rak sawm. Nuamcen nak , thilti theinak, paisa lole lungkim tlangnak hlir in kan mah le kanmah kan khatawkter a siah cun hi mi pawl ih sal ah kan cang thei tiah a rak sim. A ngaingai ah cun kanmah pawl cu famkimten kan thinlung kauzet in ret dingah Pathian ih zalen zet ih in pek mi duhdawtnak kha kan cohlang a si ah cun tihphannak, tuatnak lole daiten um men lo in midang hnenah kan peksalnak in kan mah cu zalennak ah in thlen ter ih kan karzai ter mi thatnak rimhmui cu kan inn, kan sungkua le kan kiangkap ah a um tiah a rak sim. Vatican ih Apostolic Palace, sangka te in thu a simnak ah Pope in"Jesuh cu zalen tu a si" ti ah ti daan phunkim in lam a rak hmuh. Jesuh cu leitlun thilri ih sal a rak si lonan a hmunhnget lo mi mifarah nunramah um hman sehla damlo tu pawl a lak in a dam ih bawmnak dil dingin a ratu zokhal a rak cohlang a si. Hi thu hi Catholic news angency thuthang in Pope Francis ih sim mi a tawi zawng in kan let mi asi.

Add new comment

1 + 0 =