Pope thawn pehpar mi pawlkom in remdaihnak hrang aveithumnak bawlung zuamawknak tuah. (November 15, 2022)

Pope thawn pehpar mi pawlkom in remdaihnak hrang aveithumnak bawlung zuamawknak tuah.

(November 15, 2022)

            Pope thawn pehpar mi Scholas Occurrentes in November 14 zanlam ah Rome ih Olympic Stadium ah remdaihnak hrang a veithumnak zuamawknak an tuah. Leknak an thok hlan ah Pope in Vatican ih Paul VI h

Hall khan ah a lek tu pawl, cangvai tu pawl le an innsang pawl a tong. Pope in raldonak karlak ah leitlun ah remdiahnak ci an vorh ruangah a lek tu pawl hnen a lungawi thu a sim.

            Himi remdaihnak thlaici cu fate hman sehla leilungpi a thleng thei tiin a sim. Leitlun ih raldo awknak le siatsuahnak zoh rero in remdaihnak kan duh. Tuini ih hivek leknak nan tuah ruangah ka lungawi tiin a sim. Himi leknak ih thuluu cu “remdaihnak hrang kan lek” ti asi, himi leknak ah leitlun ih bawlung sit milar pawl khal an tel.

            2014 September 1 le 2016 October 2 laiih an rak tuah lai khalah himi thuluu thotho an hmang. Tuikum ih upat nak an pek mi cu netabik lektu Dieo Maradona a si. Amah cu remdaihnak hrang veikhat nak le veihnihnak leknak tum ah a rak tel ih 2020 November ah a nunnak a cem. Himi remdaihnak hrang lek nak ih laksawng cu Pope Francis ih rualpi Adrian Pallarols in a tuah.

            Pope Francis in silversmith Pallarols ih silver olive tree timi tlak rawh thu malte a sim. Pallarols in silver olive tree ih tiduh san cu thingkung pawl cing in kilkhawi dingah nunram hrang ih a thupi mi a si tiin a sim. Pope le midang pawl khal in bawlung lekthiam Diego Armando Maradona an vun mang. Leitlun ih remdaihnak khaisan nakah leitlun ih bawlung lek milar pawl an lek.

            Himi tonawk nak ih a san bik cu “nunram thangso dingah mi harsa pawl bomnak hrang sumpai thawh nak, Pope Francis in bawm dingih a sim ringring mi nauhak pawl ngaihsak dingah, hmunkhat ten um khawmnak le mi dang hrang ziang mi kan tuah thei timi hmu dingah, ziang kan bawm thei timi le ziang kan tuah thei timi a si” tiin Pallarols in a sim.

            Pope thawn pehpar mi Scholar Occurrents cu Burnos Aires khuapi ih mi harsa nauhak pawl hrang fimzir nak hrang bomnak a si. Himi cu a hlan ih Cardinal Jorge Mario Bergoglio, a tuih Pope Francis ih hram rak thoh mi a si. Italy ih tv in an lek nak an thlah.

            Lek nak ih a tel tu pawl cu, Ronaldinho, Buffon, Caniggia, Ciro Ferrara, Diego Maradona Jr., Hristo Stoickov, Nicolas Burdisso, Martin Demichelis, Daniel Osvaldo, Eric Abidal, Henrikh Mjitaryán, Diego Perroti, Ciro Immobile, Vincent Candela, Antonio Di Natale, Zaccardo, Vincenzo Iaquinta, Ivan Rakitic , Legrottaglie, Roman Weidenfeller, Zé Maria, Ricardo López Felipe, Simone Perrota, Fabio Cannavaro, Paulo Futre, Bruno Alves, Roberto Tucu Pereyra, Pablo Zavaleta, Mirsolav Klose, Shota Arveladze (Ruso), Hugo Almeida, Robert Pires, Gökan Inler, Fabio Galante, Antonio Benarribo, Alejand Chori, Dominguez, Sebastien Frey, Zambrotta (entrenador) pawl an si.

https://bit.ly/3EBxTSs