Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Pope thawn tonawknak ah rikhiah pawl a demdeuh June 6, 2021
Pope thawn tonawknak ah rikhiah pawl a demdeuh
June 6, 2021
Covid-19 ruangah Pope in khawmzawhtu pawl thawn tonawknak cu harhdamnak hrangah rikhiah pawl a rak um. Asinain, tui khawmzawhtu pawl thawn tonawk theu nak tlawngkai nithum ni tinten hi rikhiah pawl dem deuh nak cu khawmzawhtu pawl ih sim nak in a hnuailam vek in theih a si.
Italy ram ih rak hlawhtling zet mi vanzam lam company a si mi Alitalia airline thawn cu lai ah Diocese rak hruaikai tu Pope in 1947, May 5 ah Turin khuapi in Catania ah a rak feh.
Cui caan cu a veihnih nak leitlunhuap ralbuainak a reh pek te a si. Tui kum 2021 ah cui khualtlawnnak a thok sal ding tiin an ruah san thu, cui tumtahnak thawn (Tiziana Borgatta) hi hmun ah a rak thleng thei thu le Pope thawn nai tei an tonawk ih hlei ah 11947, May 5 ih zuk mi thuanthu sungtel zuk khal Pope Francis ih kut sungah a rak ap thei thu vanzam lam tuanvo nei tu in a rak sim.
Pope cibai a buuk tu pawl sungin tu bait e ih kutsihnak Sacrament a lak tu innsang pawl khal an tel. Tui veikhat nak, khawmzawhtu pawl thawn hi vek in nel aw tei tonawk nak cu covid-19 veihnihnak theh hnu hmaisabik tonawknak a si. Tu bait e ih kutsihnak Sacrament a lak tu innsang pawl in ‘kan kutsihnak puai ah Pope in thluasuah pek ding in duh sak. May 8 ni ah kutsihnak Sacrament an lak thu an rak sim. ‘Ka lo lungawi pi tuk’ tiin thuthang la tu in sunloihnak tongkam a sim.
‘Pope ih kut kan mah rori ih cibai kan buuk lai ah kan lung a hmui zet’ tiin cui caan remcang a rak ngah tu Pamela in a rak sim.
A mah cu covid nathrik nasa zet ih a can lai ah Rome ah hnatuan rak zir tu a si. Tu ah cun hnatuan a zir mi a theh zo ih a suah nak khua ah rei lo te ah Pope cibai a buuk nak hmun in cui caan tha a rak ngaa thu, a nunram ah hngilh a theih lo mi a si ding thu khal lungawi zet in a rak sim.
Mah rori in Pope cibai buuk thei lo hman sehla tui khawmzawhtu pawl in Pope cibai buuk a ngah thu an theih veten an lungawi thuk ih an di a riam thu Stefania in a rak sim. A mah dinhmun in Pope ih thlacamnak thuhla a theih mi hi thazaang a si. A mah khal in thazaang a pek tu tongkam pawl a tul thu, a mah cu Biaknak lam pawlkom pakhat a si mi Neocatechumenal pawlkom sungtel pakhat khal a si. A mah cu Italy ram ih a si ko nain Diocese rian tuan dingah England ram ih rian a tuan rero nak a si. A mah cu Innsang nei mi a si ih fa te pasarih thawn a thawn mi khal a si. Hi thuthang cu Rome Reports thuthang ih kan don mi a si.
Photo courtesy of Avvenire
Add new comment