Pope in thlang Sudan hotu pawl hnenah thisen luannak le tuahmawhnak cawl dingah forhfial.

Pope in thlang Sudan hotu pawl hnenah thisen luannak le tuahmawhnak cawl dingah forhfial.

          Pope Francis cu tlawngkai ninga ni ah Juba ih President innpi ah thu asimih thlang Sudan ih ram hotu pawl hnenah tuahmawh nakpawl cawl dingah zangfah a dil. Pope in "thisen luannak, el awknak, tuahmawhnak, thiltha lo pawl um nawn hlah seh. Siatral nak um nawn hlah seh. A tu cu din sal caan a si. Raldonak pawl hnongin remdiahnak tuah caan asi" tiin nasa zet in a sim.

          DRC ihsin a suahhnu Pope cu Juba ah an ram tikcu caan 2:45pm ah Juba International Airport a thleng. Cuihnu in ram thunei tu pawl, mipi pawl, thlang Sudan ih dipoloma pawl a tong. Pope Francis cu thlang Sudan ramkhel hotu pawl a tong ih himi ram ih nulepa pawl hnenah nunram thar, a hrampi thianghlim ter in le remdiahnak thawn thar ter in cumicu thlang Sudan ih fanu fapa pawl in an tul tiin a sim. Pa an tul, a duh lo cing in fial rero ding asilo, hmailam ah nuam teten thanso an tul, sawn ding a silo tiin Pope in thupi zet in ret in a sim.

          Pope in minung covo upat ding thupi in a sim. "Zalennak um loin thudik a um theilo, hmailam nor caan a si. Thleng awk caan a si" tiin a sim. Pope in ram hotu pawl hnenah an mipi pawl ngaihsak dingah a sim bet. Ramkhel lam thansonak ding khal a forhfial. Pope in "himi ram ih nauhak pawl in an mai kut rori in an hmailam an tuah thei ding" tiin a sim.

          Himi continent le leitlun huap ih nauhak pawl in an kuat, an ca le an zuk laam pawl thawn an thangso a tul, hriamhrei pawl thawn siloin" tiin Pope in a sim. Pope in a khual tlawn nak cu Cantebury Archbishop le Scotland biakinn general assembly ih moderator thawn remdiahnak hrang an tlawn nak a si. Pope in a thinlung takin thlang Sudan thleng awk nak hrang thla a cam sak. Himi thuthang cu RVA thuthang ihsin kan don mi a si.

https://bit.ly/3HDWqqb