Pope in thlanglam Sudanih tilian nak le Greek ramih meisa ruangih harsat tuar tu pawl bom nak pe October 4, 2021

Pope in thlanglam Sudanih tilian nak le Greek ramih meisa ruangih harsat tuar tu pawl bom nak pe

October 4, 2021

          Pope Francis cu amai thlarau le taksa lam Karuna hnatuannak pawl cu tilian le meisa ruangih harsat tuartu pawl hnen bomnak a kuat. Kan dung tlawngkai ni khatah minungih a hrampi thangsonak zungin thu pakhat an than. Cui thuthan mi cu Pope Francis in thlanglam Sudanih tilian le Greek ih meisa ruangih buainak a tong tu mipi pawl hnen a ngaihsaknak, anmah pawl thawn a tuar venak langternak hrangah thanglam Sudanah America dolar 75000 kuat in a bawm.

          Tiliannak ruangah inn 6000 luan an siat. UN ih an simnak vekin tuitum tiliannak ruangah ram then 6 ih minung 400000 hrawng cu inn nei loin an um tiin an than. Cutivekin Pope cu August thlaah Greek ram ih saklam Evia, Peloponnese Region le tikulh hlun pawlah a sat tuk ruangah rapthlak zetin meisa a kang. Hramlak 100000 hectar hrawng a kang. Meisa ruangah mi 3 an thi. Cui meisa ruangih harsat tuar tu pawl hnen khal Pope in Euro 50000 a kuat ih a besia zet mi an dinhmun ah Pope khal a tuar ve thu a lang ter. A tuar ve thu a lang ter. Atuvekih a hlu peknak cu Pope ih ngaihsaknak, Pa ih duhdawtnak langternak, harsat tuar pawl thlarau lamih an nai vekin taksa lam khalah tul mi pawl khal theih tawkin a bom thu langter dingah a si. Himi thuthang cu Vatican thuthang ihsin kan don mi a si.

Photo courtesy of: AFP or Lucensors

https://bit.ly/3FrXj30