Pope in Turkey le Syria ih linghnin nak ih harsat tuar pawl ruangah a riahsiat nak lang ter

pope_linghninnak_ruangih_harsa_tuar_pawl_hnem

Pope in Turkey le Syria ih linghnin nak ih harsat tuar pawl ruangah a riahsiat nak lang ter

           Pope Francis in Turkey le Syria ih linghnin ruangih nunnak cem tu pawl ruangah a riahsiatnak a lang ter. Cui ram hnih ih apostolic nuncio pawl hnen ah telegram ihsin anmah thawn naite a um thu le thla a cam sak thu a kuat. Pope Francis in Turkey ram ih nisuahnak thlang lam le Syria ram nitlaknak sak lam ih tha a cak zet mi linghnin nak ih nunnak cem tu pawl ruangah a thin a nat zet thu a sim.

           7.8 tha a nei mi linghnin cu tlawngkai nikhat zing ah ram pahnih ih ramri ah a cangih innpi thawng tampi an siat ih mi thawng tampi an nunnak an liam. Za khat hrawng cu thilsiat mi lakah an um lai tiin an zum ih a thi mi pawl khal zum ban loin an thang ih hnatuan tu pawl in khuapi ih thilsiat mi lakah an hawl.

           Vatican secretary Cardinal Pietro Parolin in Pope in a riahsiatnak ca cu Turkey ih apostolic nuncio Morek Solczynski le Syria ih apostolic nuncio Mario Zenari tei hnen ah an thlarau a umpi thu le harsat tuar tu pawl hnen sim dingah Pope in a sim.

           Pope in a tui nunnak cem tu pawl cu Pathian in a cohlang ding a zum thu le nunnak a cem tu pawl ruangih riahsia tu pawl hrang a thinnat nak a lang ter. Pope in "a tui hliamhma a ngah tu pawl khal an dam sal nak ding khal thla a cam sak. Pope in Syria mi pawl caan reipi an tuarnak ruangah an thlarau hahdam nak ding khal  a sim bet.

           Linghnin nak cu an ram tikcucaan 4:17 ah a cang ih Gaziantep kiang ah a cang ih Turkey le Syria ramri innpi le zung pawl ih a hleice bik ih a cang mi a si. Turkey ih nisuahnak Anatolian cu leitlun ih linghnin cang tam nak bik hmun a si. Thuthang ih an sim nak vekin Turkey president Recep Tayyip Erdogan in a mal bik innpi 2,800 an cim. Dinhmun a siat vivo nak cu a tumhnihnak linghnin cu Turkey ih nisuahnak thlanglam ah tlawngkai nikhat sun ah a cang ih Gaziantep ihsin peng 80 hrawng ah a hlat tiin a sim.

           Syria khal ah mi 320 lai an nunnak an cem ih mi runtu pawl ih an sim nak vekin amal bik 100 cu thil siat pawl lakah an nunnak an liam tiin an sim. European Union in mi bawm tu pawlkom pawl an ramah an kuat ih cumi pawl cu Britian, Israrel, Sweden, France le Germany in an si. An ramri Greece pawl khal an rak pumkhawm aw ve. Aliam zo mi thla nga ah 7.0 tha anei mi cu Aagean tipi ah a cang ih mi 116 an nunnak an cem ih 1000 lai hliam an ngah. Himi thuthang cu Vatican thuthang ihsin kan don mi a si.

https://bit.ly/3XfsZAl

Add new comment

13 + 7 =