Pope in Turkey le Syria ih linghnin nakih harsat tuar pawl bawm dingah zangfah dil.

turkey_le_turkey

Pope in Turkey le Syria ih linghnin nakih harsat tuar pawl bawm dingah zangfah dil.

          Pope Francis in tlawngkai nithum ih General Audience ah Turkey le Syria ih linghnin nak ih harsat tuar pawl bawm nak ding hrang Hail Mary thlacamnak a rak hoha. Pope in "himi siatsuahnak ih harsat tuar kan unau pawl hrang thla kan cam tlang pei uh, cule Bawinu in anmah pawl kilhim dingah zangfahkan dil pei, Hail May,…" tiin thlacam nak a rak hoha.

          Himi cu Pope Francis ih a tulai takih linghninnak ih harsat tuar pawl bawm dingah zangfah a dil nak a si. Himi linghnin ihsin February 8 tiang an suah nak vekin Turkey le Syria ah mi 11000 an thi ih inn thawng tampi a siat tiin an sim. Pope Francis in mipi pawl hnen thin na zet ih a simmi cu "anmah hrangah thla ka cam sak, mipi pawl, harsat tuar mi innsang pawl le himi thilthleng ruangih harsat tuar mi pawl kiang ih a um thu" a sim.

          Pope in thil cang nak ih mi bawm tu pawl le raltha zet ih hnatuan tu pawl hnenah thenkhat khal ah ralbuai ruangah siatsuahnak an tuar tiin a sim. Tlawngkai nihnih ah linghnin ih harsat tuar pawl thawn naite ih a um thu a twitter ah a tarlang.

          "#Tuikiye le #Syria ah himi linghnin ih harsat tuar pawl thawn ka thin lung takin naite ah ka um pi. Nunnak cem tu, hliamhma ngah tu, innsansg pawl le mi bawm tu pawl hrang khal thla ka cam. Hi a thalo mi thil thleng ruangih kan duhsak nak hlan mi pawl an hnenah thleng hram seh" tiin twitter ah a tarlang.

          Tlawngkai nikhat khalah telegram ihsin Turkey ih apostolic nuncio Archbishop Marek Solczynski le Syria ih apostolic nuncio Cardinal Mario Zenari pawl hnenah ca a kuat ih Pope Francis in harsat tuar pawl thawn a thlacam nak in a um pi thu a sim. Himi thuthang cu RVA thuthang ihsin kan don mi a si.

https://bit.ly/3Sb6iN0

Add new comment

2 + 2 =