Pope in Ukraine raldonak reh dingah hleice tak in thlacam sak (16 March 2022)

Pope in Ukraine raldonak reh dingah hleice tak in thlacam sak

(16 March 2022)

         Pope Francis in mipi pawl thawn an tonawk theu ni, tlawngkai nithum ni ah Pope Paul VI hall khaan ih a tongawkhawm mi mipi pawl le online in a tel tu pawl cu Ukraine ralbuainak a reh thei nak dingah hleice tak ih thlacam dingin a rak hoha in a rak sawm. Pope in Naple ih Italian Archbishop Domenico Battaglia in ngaithiam dingah Pathian hnenah zaangfah a rak dil ih kan kut pawl kilkhawi dingah le leilungpi cu thihnak ih hriamhrei pawl ah in thleng sak hram aw tiah a rak sim. Thlacamnak a cam hlan te ah Pope Francis in Ukraine ram ralbuainak ih tuar caan ah ‘Pathian hnenah ngaithiamnak le remdaihnak in pe dingah dil uh’ tiah khawmzawhtu mipi pawl a rak sawm.

         Ralbuainak ruangah in ngaithiam hram aw. Pathian ih Fapa, Bawipa Jesuh, sualnei mi kan mah pawl hi in zaangfah hram aw. Bawipa, Kyiv khuapi parih a tla mi bomb pawl lak in in zaangfah hram aw. Aw Bawipa, Kharkiv ih an nu le pawl kut sungih a thi tu pawl hrangah in zaangfah hram aw. Maw Bawipa Jesuh, kum 20 mi raldonak ih fehternak ihsin in zaangfah hram aw. Aw Bawipa, na Thinglamtah ih phenthlaam ah kutza a kai aw rero mi lak in in zaangfah hram aw.

In ngaithiam hram aw, Bawipa:

         Hriamhrei pawl ih tuahmawhnak a tuar tu pawl thawn kan tuar tlang vekin na Thinglamtah kan kut ih kan nat ter mi parih kan di a riam hrih lo le in ngaithiam hram aw. Kilkhawi dingih na sersiam mi hi kan kut pawl minung thahnak ih a thlengawk ruangah in ngaithiam hram aw. Kan unau pawl kan thahawk rero ruangah in ngaithiam hram aw. Abel that dingah kan kiangkap ih lungto pawl Cain (Kaina) vekih kan sar rero ruangah in ngaithiam hram aw. Ralbuainak ruangah in ngaithiam hram aw, Bawipa. In ngaithiam hram aw Bawipa. Pathian ih Fapa, Bawipa Jesuh Khrih, riahsiatnak thawn ngaithiam kan lo dil a si. Cain ih kut zamrang ten ka ihram aw. Kan ruahnak run tleu ter hram aw. Kan duhnak vek ih si hram hlah seh. Kan cangvaih sual mi pawl ruangah in dungtun siang hram hlah aw. In cawl ter hram aw, Bawipa, in cawl ter hram aw! Cule Cain ih kut na kaih sal tikah a hrangah khal kilkhawi hram aw. Kan unau pa a si. Aw Bawipa, tuahmawhnak pawl reh ter hram aw. Amen.

Hi thuthang cu Vatican thuthang ih kan ngah mi a si.  

https://bit.ly/3wdP48J