Pope in United Arab Emirates ah Apostolic Nuncio thar tuanvo pek.

pope_in_united_arab_emirates_ah_apostolic_nicio_thar_tuanvo_pek.

Pope in United Arab Emirates ah Apostolic Nuncio thar tuanvo pek.

          Pope Francis in Jan 03 ah Msgr. Christophe Zakhia El-Kassis cu United Arab Emirates (UAE) ih Apostolic Nuncio dinhmun in tuanvo a rak pek. Abu Dhabi ih um Nunciature ah Archbishop El-Kassis cu hmaisabik nuncio cang ding mi a si. Archbishop Edgar Pena Parra cu 2022, Feb 4 ah Pope Francis ai-awh in Abu-Dhabi ah nunciature zung pawl a rak din. El-Kassis cu 2019, Nov ihsin Pakistan hrangah nuncio dinhmun ih a tuan hnu ah hmai thla le Abu Dhabi ah a feh ding tiih ruah mi a si.

          Pakistan ih Pawlpi hruaitu pawl in UAE ih Nuncio dinhmun ih tuanvo pek mi Msgr. Christophe Zakhia El-Kassis an rak hmuak. Pakistan ih Catholic Bishops’ Conference hotu, Archbishop Arshad in Archbishop El-Kassis sunloihnak ah a rak sawm. Archbishop Arshad ih simnak vek a si le ‘a mah in rampalai pehtaihnak lam ah a hngetkhoh ter ih Pope Francis le United Arab emirates lakah khat le khat theihthiam awknak ah a ol ter deuh ding’ tiah a rak sim.

          “A mah cu Parish pawl le tlawng pawl a rak fehnak hmuh ih Pawlpi hrangah thatnak tuahtu a si ih UAE ih Christian community tamsawn mi ramdang pawl hrangah khal cu vekin an bawm ding” tiah ruahsannak a nei. UAE in Christian pawl le Muslim pawl lakah Biaknak phunphun ih thasuahnak pawl thangso dingah le Biaknak lam a hleice in Vatican hrangah ol deuh dingah duhsaknak tampi langter mi Biakinn tampi ka sak zo” tiah Archbishop El-Kassis in UCA thuthang ah a rak sim. Archbishop El-Kassis in Civil le Canon law a pahnih ah doctrine buaih a rak ngah. A mah cu Indonesia, Sudan le Turkey ram pawl ah 2000-2019 tiang Christian hnatuannak pawlkom ah tuanvo rak pek mi a si ih Pope ih Secretariat of Sate ah tuanvo an rak pek.

          Arabic, English, Italian, French, Indonesian, German le Spanish tong pawl a thiam. The Papal Nuncio lole the Nuncio in Pope le Vatican lole UN vekin ram tinkim pawlkom pakhat ai-a awh. Bishop thar pawl hril in tuanvo peknak le Pathian thusimtu saya pawl hrangah cin le daan a tuah sak.

          Hi thuthang cu RVA ih kan ngah mi a si.

https://bit.ly/3XaVnnL

Add new comment

5 + 1 =