Pope in Vua tikcu caan cu kan pehtlaihawk nak tharthawhsalnak thlasuah a si tiah sim.

Pope in Vua tikcu caan cu kan pehtlaihawk nak tharthawhsalnak thlasuah a si tiah sim.

        Pope in Ash Wednesday Missa raithawinak ah ulenau pawl vutcam culhnak ih duhsan cu Bawipa ah kanmah le kanmah thudik thu hman ih kan tlunnak a si tiah sim.Vutcam in zo kan si ti mi in mang ter ih kan nunnak ih a tulsam mi thudik thuhmanah in ko sal, cui in ko saltu lawng Bawipa a si ih kan ni cu a kutsungih hnatuan tu kan si tiah Pope in sim.

      Catholic Lenten tikcu caan cu Ash Wednesday (Vutcam culh ni) in a thokih thianghlim tlawngkai ni ah a cem. Amah in mahte ruahnak le mahlemah thupit tuknak pawl tanta dingah in sawm. Vuat tikcu caan cu titer awknak tan dingah le Bawipa ah rinsan in amah mangnak ding tikcu caan a si.

       Pope in thupit in Bawipai hnen kirsal nak khualtlawnnak, kan nulenau pawl thawn Bawipai hnen ih kan tlunsalnak a si tiah a sim bet. Kan nunram cu Pathian le kan nulepa hnenih kan ngah mi pehtlaih awknak a si ih kan pehtlaih awknak khal a thar in kan thok thei sal tiah sim.Curuangah vuatik cu caan cu Pathian le midang pawl thawn kan pehtlaihawknak kan din thei sal ih thlacamnak thawn daidimten umnakah kan thinlung sangka ong in mah le mah nuamhnazau ih um nakin kan suah theisalnak thlasuah tik cu caan khal a si tiah Pope in sim bet.

      Pope Francia in catholic ih tuah theu vekin a hlu peknak, thlacamnak le rawl ulhnak tuah dingah a rak sawm.  Peknak, thlacamnak le supnak,rawl ulhnak cu a lenglamih a um mi lawng si loin a si ngaingai mi a si ih Pathian ih fanu fapa pawl khat le khat hnenah a lang tiah Pope in hngetkhoh zetin sim. Thinglamtah zoh pah in thazaang a cak mi thinlung thawn Vua tik cu caanih tharthawhnak in kan khualtlawnnak a netnak ah kanmah in thosal ter tu ding Bawipai hnenah, nunnak ih a cemnakah kan mah thawn lungawi zetin kantong ding tiah sim.

https://bit.ly/3m20QjD