Puithiam pakhat cang dingih zirhnak ah Thuthangtha phuan duhnak thinlung pek ding a thupit thu Pope Francis in sim.

Puithiam pakhat cang dingih zirhnak ah Thuthangtha phuan duhnak thinlung pek ding a thupit thu Pope Francis in sim.

          Puithiam pakhat cang dingah thuthangtha phuan dingin thinlung thakhohnak neih a tul thu Pope Francis in Latin America ih Puithiam tlawng pawl ih tlawng uktu pawl le lam hmuhtu pawl thawn an rak tonawknak Nov 10 ah a rak sim. Hmailam caan ih Tuukhaal cangtu ding Puithiam pawl zirhnak ah thuthangtha cu thinlung khawihtu a si. Zirhnak ah milai ih sambaunak le Pathian ih lamhruainak thluasuah a pahnih in a nemhnget ih Bro. pawl zumnak le ziaza lam pitling dingin Bawi Jesuh ih keneh thlun ter a tul.

          Tu ah Bro. pawl cu hmailam caan ih Puithiam pawl an si ih nunram bang mi dungthluntu pawl an si thu, cu vekin kohhran mipi Christian pawl khal cu vek an si thu, curuangah minung pakhat ih tulsam mi le sambaunak ruat in zirhnak tuah a tul thu a rak sim.Tlawng uktu pawl le lamhruaitu pawl dinhmun in Pope ih kuthnuai ih um Puithiam pawl thawn pehpar mi zung ih hohanak thawn thawn mi thureltlangnak ah an tel. Brother pawl ih ‘a danglam mi, pumkhat a si mi, pawlkom thawn Pathian hnatuannak’ an tin mi a si ih rem reronak lamhmuhnak tuah a tul. Pawlkom thawn pehpar in Pawlpi pakhat sung lawngah a si lo. Kiangkap Diocese pawl, peng pawl, veng in timtuah in ap aw dingah tuah a tul. Tlawng ah khal zirh mi mipum a kim in um a tul. Siangbawi tlawng cu pawlkom thinlung rem in zirhnak hmun si a tul tiah a sim.

          Zirhtu Puithiam pawl lam khal in a thupit thu, mai cawn tlak mi pawl, nunsimnak pawl thawn zirh dingah, ziang ruangah mi pitling si a tul ti mi cu thu hrampi a si. Lamhmuhtu pawl dinhmun in Bawi Jesuh ih nunnak vekih tuah dingah, an thungai theinak le thureltlang theinak pawl cu Pathian thawn an pawlkom theinak thawn a pehtlaih thu, tlawng uktu pawl khal in lamhmuh tu rualpi pakhat ciar sunsak a tul thu, Pathian hnatuannak ah tulsammi pawl, can ter duh mi dinhmun pawl tlaitluang ten reltlang a tul thu, mission hnatuannak ih ton rero mi harsatnak pawl bawm aw ton in tawlrel sak a tul thu, Pawlpi ai-awh in Pope cu hmailam caan ih Tuukhaal pawl suahsak tu khal a si ih nikhat khat ah Pathian hnatuan tlang pi pawl khal a cang tu ding pawl hrangah ap aw ih a tuan rero tu Bro. pawl ih tlawng uk siseh, zirhtu pawl zaten siseh a lungawi thu, Diocese hotu pawl thawn kom aw in lamhmuhnak laknak cu nikhat khat ah thuthangtha thawn minung kaitu ngaikaitu dik kan kaih thei ding thu lamhmuhin a rak forhfial.

          Hi thuthang cu Vatican thuthang ih kan ngah mi a si.

https://bit.ly/3XklN7E