Pulhnat sia in khat le khat ngaihsak aw thiam dingah in zirh tiin Pope in sim. December 7, 2021

Pulhnat sia in khat le khat ngaihsak aw thiam dingah in zirh tiin Pope in sim.

December 7, 2021

              Rome ih a hrambun mi OSA pawlkom pakhat cu an cangvaih nak asimi a tul mi pawl bomnak, dinsak nak hnatuan, siizung thawn pehpar mi tuahtuannak pawl, nunphung thuhla pawl thawn pehpar in mi tampi in, thei-in bom a tul taktak asile bom nak dil thiam ding khalah tumtah in thu an suah. An bom mi pawl ih zangfak za, thinnat za, lungawi za thu pawl an bet. Himi thuthang ah Pope Francis khal a tanglam vekin ca a ngan. Cui ca sungah Pope in khat le khat kilkhawi thiam nak nuncan daan thangih tuah dingah thazang pe in a forhfial.

Nunnemnak

           “Nunnemnak” a tul mi thu a sim. Nunnemnak ti tikah kiangkap ih um lawng a silo thu, minung pawl ih nunram sungah tlamtling zet in thleng dingah a tul. Hlawmawknak, ngaihsaknak, duhdawt nak cu nunnem nak a si  timi theih a si. Pulhnat caan saupi sung kan theih mi cu kanmah pawl khat le khat nai ten um dingah a si.

Nauhak le upa pawl ngaihsak nak

           Pope cu a hlan vekin a rak sim theu mi thuhla pawl nauhak pawl le kum upa lam ah fehin nunphung kiangkap ah hnon a  tuar tu pawl an  si thu, ziangruangahtile tuisan kiangkap cu tuah thei tuan thei lawngah man a um tiin mitampi ih ruah a si thu, nauhak pawl, kum upa pawl ih nunram cu hman tlak lo vekin an ruat. Curuangah nauhak le kum upa pawl ih bangawk lo nak karlak ah kom tu ding daan timi cu mi pawl hrang ruah ding mi thusuh nak pakhat a si tiin a sim.

           Hnon tuar, hngilh tuar pawl ngaihsaknak daan ih feh lawngah tul taktak mi tuah a theih ding. Phun pakhat le pakhat danglamnak, buainak um lo dingah tuah thei lawngah a ngah ding. Cutilawngah kanmah pawl hmunkhat ten kan um thei ding. Cutiin mino le kum upa pawl hmunkhat ten um nak cu kiangkap sinak thar a ngah ter ding.

Zohnak, ngainak le ralrinnak

           OSA pawlkom cu inntin thlengin bom nak an pe. A hman ahcun inn cu um ding hmun pakhat lawng a silo. Pehtlaih awknak pekawknak hmun a siih, cui a hman mi pehtlaih awknak ihsin harsat nak, sawm nak pawl lan thei nak thazang pawl a suah sak tu hmun a si. Cutiih ti tikah harhdamnak hnatuan hman asilo man an nei lo ti duh san a si lo. Harhdam nak damter nak pawl cu thinlung lam dam ter hnu rinsan ding hmun a si. Pope cu OSA pawlkom ih hnatuan pawl a lawm. Ziangruangahtile bom a tul tu pawl ih nat tuar nak le nat nak an thei. A bom tu pawl lungawi ten an cohlang. Nat nak karlak ah minung si daan a lang. Nat nak ruangah minung cu mah te pak ih an tuar caan ah kom tu an tul kha an thei deuhdeuh.

Pope amah rori khal tubaite  thla ah siizung um in ril pi khuai nak a hmuh ton mi in harhdamnak hnatuan pawl hnen hna an tuan nakah a tul mi a fiangfai mi hminsin tlak thenkhat a hmuh. Mina pawl mit thawn zoh ding. Mah thawn a sai lo vekin um loin an tuarnak natnak pawl ruat aw. An tong mi pawl thaten ngai aw. Cutilawngah an harhdam nakih hnataun pawl hnen zumnak thawn an tuar nak nat nak, harsat nak pawl sim ding a si. Ngaihsak ti tikah an tul mi bom nak, bomnak le a thiamnal mi tuah saknak a ti duh mi a si. Himi tuahtuannak pek asile ziang tik hmanah tuahmawh nak a silo. Cet vekin ziang vek ruahnak hman langter loin tuah ding asilo.

           Bawi Jesuh ih a rit zet mi thinglamta a phurhsak tu Sirin khua ih Simon vek kan tul. Pope hnen netabik suhmi thusuhnak cu nat nak le thihnak thu a si. Bawi Jesuh ih hmin ko thiam lo hmanah ziang rel lo in um a ngah lo. Tuah loin tong men nak cu nat nak a na ter sin. Tlansan dingah zuam hnakin natnak nasa zetin tuar caanah kiangkap ah um aw. Ahleice in ziangvek sualnak hman a tuah thiam hrih lo mi a besia mi natnak a tuar tu nauhak pawl tuamhlawm a tul. Mahten a dangten umnak daan hlon ding. Ziangruangahtile nat tuar deuhdeuh le Bawi Jesuh ih a rit mi thinglamta a phur tu Sirin khau ih Simon vek minung kan tul.

Kan nat nak zang dingah phurh bawm tu kan tul.

           Pathian cu kan nunram ah amah a um kha langter dingah ti daan tha a hawl ringring theu. Veikhat veihnih Pathian cu kanmah thawn a hla tukih kan ruat caan siseh, hnon tuar tiin kan ruah caan siseh kanmah thawn a um thu in hmuh theu. Himi cu kan thazang a si. kan theithiam lo nan Pasca nunram cu harsat nak karlak ah a cangvai. Caan a rei lawngah thimnak lakah Pathian a um thu kan thei ding. Cutiin kan theih tiang hmainor dingah khat le kaht kilkhawi awk nak a si. Nan tuah mi pawl hrangah ka lungawi. Ziangruangahtile nanmah pawl cu nunram ih a thim nak kha mah lawngin a um tu mi tampi um lo dingah, thanau lo dingah, anmah pawl mah lawng nung duh lo tu pawl hnen raltha zet in pah dingah bom a theih tiin Pope in sim in thusim nak a cawl.

https://bit.ly/3EHP8iA