Ralkap in thuneihnak an lak nak kum khat kim niah Kawlram hrang Pope Francis thlacam (February 2, 2022)

Ralkap in thuneihnak an lak nak kum khat kim niah Kawlram hrang Pope Francis thlacam

(February 2, 2022)

            February 1 ni cu Kawlram ah ralkap in thudik lo in thu neih nak lak nak kum khat a kim. Curuangah Pope Francis cu rapthlak zet ih that mi mawh nei lo mipi pawl hrangah man sak in thla a cam sak.

            Pope dinhmun in Kawlram Catholic Bishop pawl ih thuthan mi vekin ramtin thawn pehpar mi pawlkom pawl hnen Kawlram hrang thurelkhawm sal nak tuah sak dingah a dil thu, leilungpi dinhmun in harsat a tuar rero tu ulenau pawl ih mithmai hmu lo vekih um hrim a ngah lo thu, Pathian cu rapthlak zet ih hmuh suam mi thah a tuar tu mawh nei lo mipi pawl tha pe in hnem nak thluasuah a pek thu, remdiahnak nak hrang ih tuah mi hmuahhmuah khal Pathian hnen ap asi thu sim phah in a dil.

            Mipi pawl in Democracy daan vekin an hril mi Daw Aung San Suu Kyi tel in cozah pawlkom sungtel pawl zaten, hril mi upa pawl zaten (2021, Feb 1) ni ah hriamhrei kai Kawlram ralkap ih kai ih thawng thlak an tuar. Thuneih nak long tu ralkap ih hoha tu ralkap pawl in an neih mi hriamhrei thawn an do sal nak in a thok. Thudik lo in thuneih nak lak hnu duh phorh nak nei tu mawh nei lo, hriamhrei neilo, dokham awk nak a nei lo tu mipi 1500 luan rapthlak zet in an that. 12000 luan kaiin thawng thlak an tuar thu, thawng tla pawl a kilkhawi tu pawlkom (AAPP) in an suah.

            Cardinal Charles Bo in ralkap hnen Democracy lam parah kir sal in, minung covo upat dingah a dil. Kawlram Catholic Bishop pawl dinhmun khalin thudik loin thuneih nak la tu ralkap ih kaih mi Kawlram Catholic mipi pawl, biakinn siat suah ih meisa ur sak a tuar tu mipi pawl thawn an um thu an sim. Himi thuthang cu Vatican thuthang ihsin kan don mi a si.

https://bit.ly/3J6oXUi